16. März 2023 01:42

39 P. Phan Chu Trinh, Phan Chu Trinh, Hoàn Kiếm, Hà Nội, Vietnam | 22°C

Nöie Tag, nöis Glück. Itz hocke n i i der Hotelhalle u warte, dass mi der Bus i d Nechi vo der Chinesische Gränze bringt. Mal luege.

Es het no Ängländer, wo ds akkustische Bild präge.

Nach der viele Lüt, de Masse vo Töffe u de Outo, de sächs Millione Bewohner vo Hanoi si mer itz uf em Wäg i ds Hochland vo SaPa. Der Bus fahrt uf der Schüttel Autobahn.

Da g,seht me nümm so diräkt ( nach schwizer Massstab) was es Burehuus isch. Es si meh Villene u Mehrgenerationehüser.

Der gröscht Teil vo der Natur het nümm Platz. Scho d Franzose u de b’suncersch d Amerikanerhei g’ruumt. D Tier wo n es mal g’ha het, si g’frässe oder zu «Medizin»verarbeitet. Der Nachber China isch o e guete Abnähmer.

Rächts u links vo der Strass wird Riis, Maniok u zuenähmend u

Grüentee a b’boue. Es is h nümm grau, sondern grüen. Wyter i de Bärge wird de o zuenähmend Zimmt a boue. Strüchli u Böim stöh i Reihe.

I de letschte Jahrzähnt isch d Bevölkerig uf 90 Millione a g’wachse. E Drittel isch jung. U all die wei ässe.

Zmittag ässe mer i me typisch vietnamesische Reschturant. Der ‹B’sitzer› redt nid änglisch. Zum Glück hei mer der Frömdefüehrer bi n is, wo b’stellt. Eis Menü, me nimmt was me wott dervo. Es isch super.

Es geit gäng wie meh i d Bärge. D Strass isch kurvig u stellewys o äng. Es het Laschtwäge u o süsch louft uf der Strass viel. Zwüschedüre nime n i e Nuck.

Öppe em vieri chöme mer in SaPa a. Das isch e veiechli grosse Höhekurort. Scho d Franzose si i der B’setzigszyt da häre cho. Hüt hei si hie viel chineseschi Tourischte. Mir hei es grosses u g’müetlech’s Hotäl. Nach em Inischte gah n i chley gah loufe.

Unger im Ort is Wiehnachte u Oschtere zäme. Es het gaaanz viel Vercher! I gloube es het o ganz viel Frömdi hie. Muesses o, bi all dene Hotäl. Brite, Franzose, Düts hi u Amerikaner g’hört me.

Em halbi siebni ässe mer im Hotäl Znacht. Feinfeinfein.! I läbe ganz guet hie. Feins G’mües, Suppe, Salat, Fisch we me wott u zum Dessär de no Melone u Passionsfrucht.