15. März 2023 04:54
17 P. Ngọc Hà, Đội Cấn, Ba Đình, Hà Nội, Vietnam | 22°C
Uiuiui, jetz hocke n i da u warte. Hätt i g’folget u hätt der Rucksack nid mitg’noh, würd i itz bi der Gruppe sii.
Aber schön der Reihe nah. Hüt morge, nach eme tolle Zmorge, si mer in Hanoi zum Pflichtprogramm g’startet. B’suech vom Mausoleum vom Ho Chi Minh.
Der Ho Chi Minh isch der erscht Presidänt vo Vietnam g’si. Öb ihm dä Pärsonekult würd passe, wo die kommunistes hi Partei uf b’boue het, frag i mi. Nu de, es isch äbe alles g’regrelet. Me darf nid: fotografiere, rede, us em Reiheli loufe, e Rucksack mitnäh und, und, und …
Der B’suech hie isch Pflicht für alli chlyne u grosse Vietnamesinne u Vietnamese. Vo de vierjährige Chindergärteler bis zu de alt ehrwürdige Dame u Herre i de schönschte Chleider begägne mer alles.
Öb sech der Ufwand lohnt, die balsamierti Liiche z g’seh isch für mi fragwürdig. Die Masse vo Lüt z begägne, isch aber es Erläbnis.
Hie z warte bringt mer aber o d Bekanntschaft vom Ho. Er isch sächsesächzgi, het i der DDR g’schaffet u düts h g’lehrt. Itz macht er Taxidienschte für e Verdienscht z ha. Vo Ränte isch äbe nüt.
Vietnamesisch ässe isch guet, süess u überhoupt nid scharf. Es git es Menü, mit Apassige für Vegetarier.
Jede Schritt uf d Strass isch g’fährlig, – aber d Strässli si schön!
Üse nächscht B’suech gilt em Literaturtämpel, ( oder Konfuziusrämpel).
Gott oh Gott oh Gott oh Götter. O we das hie e Witerbildigsstätt isch g’sii u d Vietnamese kener Konfuzianer si; – si chöme häre für um öppis z bitte.
Ds Völlerkundemuseeum isch d Borbereitig für die nächschte Tage. Im Norde vo Vietnam läbe no vieli Minderheite. Zum Teil ziemli wit ewäg vo de Vietnamese.
Leider geit o hie viel Ursprünglechs sehr schnäll verlore. D Chleider z choufe geit eifacher als sälber z wäbe.
Der Rückwäg zum Hotäl 7f der Rikscha isch de es gaaanz b’sunders Erläbnis. So näch chunnt me de Outo, Töffe u Fuessgänger nid jede Tag. Aber die Fahrer hei ei Rueh!
Hüt Abe si mer o i ds Wasserpuppetheater g’gange. Das gäb nume in Vietnam. Mit dene Puppe si G’schichte i de abg’ärntete Riisfälder g’spilt worde. D Spiler si hinger eme Vorhang u d Puppe wärde über e Stock bedient. Hie in Hanoi git es zwöi Theater für d Tourischt Sehenswärt.
