Was da alles muess i packt si!

13. März 2023 08:55

Hauptstrasse 95, 3255 Rapperswil, Schweiz | 11°C

I zäh Minute wirde ig zum Bahnhof bracht. Mi Zug fahrt i Richtig Biel gäge Züri.

U de chunnt scho die erschti Tüüschig. Der Zug fahrt i Richtig Bärn. Aber es isch o scho lang här,.dass i dä usg’suecht ha.

Es het Lüt, – ungerwägs u so. Da ds Bärn, geit es zwar no, aber ds Buchsi het es mehreri Klasse g’ha für i ds Schiilager. 😮

Es het geng no Lüt. G’närvt het das bi der Sicherheitskontrolle, mit dere länge Schlange. 🐍

Ja u itz es Käfeli, – i ha no lang Zyt.

So, es brucht wieder einisch Geduld. D Schlange isch läng: -u ds Päsonal macht nid vorwärts.

So, u itz … vo mir us cha das losgah. Aber es isch wie öfters.

Irgendeinisch. . . itz aber.

Da geit eim so einiges dür e Chopf, we me dä Risevogel vo der Schwanzflossekamara überluegt. (A380-800)

Es isch no so verruckt, ds letscht Mal wo n ig uf dere Strecki g’floge bi, isch der Pierre bi mer g’si. Tja.

Nächtlechi Stimmig im Flüger. Fasch Disco. Unger üs zieht scho der Balkan, d Türkei u de der Irak düre. Mir hie obe, meh als 12 e halb Kilometer, dunger d Ärdbebeopfer. Es geit eim scho sehr guet, als Schwizer.

U de isch es plötzli Nacht. Irgendwie isch der geschterig Tag entschwunde i Richtig Amerika. Da mer aber ehnder i östlecher Richtig flüge, chunnt der mornderig Tag i Riseschritte.Vorhär müesse mer aber no nach Dubai u das si gäng no fasch zwöituusig Kilometer.

69VC+CM6 – Dubai – Vereinigte Arabische Emirate | 26°C

Weni Lüt. Aber es isch p Viertel nach zwölfi, – i der Nacht. U es isch geng no unändlech wyt. Dä Flughafe isch es Monschter.

Food Court, Near Gate C13 & C15, Departures – Terminal 1, Area، Dubai International Airport – Parking B، – شارع المطار – دبي – Vereinigte Arabische Emirate | 25°C

Na rund 4770km dür d Luft si mer öppe um Mitternacht (Ortszyt) g’landet.  Bis am halbi vieri müesse mer is d Zyt um d Ohre schlah. Kafi isch es guet’s Mitteli derfür.

Die Flugere bringt üs queer über Indie u Indochina bis nach Hanoi. No einisch Stunde über Stunde i der Luft. E schüttlet u dröhnet u mé cha nume hocke.