30. März 2023 00:48
QPF4+F97, Đ. Đồng Khởi, Bến Nghé, Quận 1, Thành phố Hồ Chí Minh, Vietnam | 27°C
Zum Fänschter us g’luegt, het es aber scho Händlerinne uf der Strass.
Der Tag faht früech a. Mi Wecker tuet em Viertel nach füfi suret’s uf em Schribtisch äne. I ha ds Handy dert deponiert, will es nächti isch spät worde.
I ha mi wölle entschuldige, will ig hüt u morn viel ungerwäg’s bi u de ersch no im Mekongdelta.
Derby ha n i feschtg’stellt, dass d Website gar nid online isch. – u de het ds Sueche ag’fange.
Üses hütige Programm füehrt üs wieder wäg vo Saigon, i ds Mekongdelta. Ben Tre isch es Chlynstedtli, wo alles chley g’müetlecher geit. D Wasserwäge spiele e grossi Rolle. Ds Mündigsgebiet vom Mekong schynt uf d Lüt abzfärbe.
Mer löh üs o uf de Kanäl umegondle u erläbe d Natur hutnach.
Ungerwägs im Seerose u Lotosparadies.
Grüen isch die vorherrschendi Farb. Es düecht eim, es wachsi überall u i Masse.
Am Schluss vo der Bootsfahrt wärde mer mit Töfftaxi wieder zum Bus bracht.
Lokal’s G’wärb isch sehr vielsitig. Mer b’sueche e Familie, wo Riispapier härstellt. Angeri mache de da druus Früehligsrolle.
Läbendverpflegig wird überall abote. Hühnerfleisch het im vietnamesische Ässe e sehr höche Stellewärt. D Hüehner wärde läbig verchouft (als Zeiche vo Früschi). D Chundschaft muess de o i der Lag si, se z metzge.
Die arme Fäderviehcher hei de gar nid nume es schön’s Läbe. I änge Chefige wärde si g’halte, i änge Chefige wärde si transportiert u am Ändi lande si im Chochtopf. Der Nutze für e Mönsch steit über allem; – es si äbe Nutztier…
Si tüe Kokosnüss wyterverarbeite. Ds ‚Kokosfleisch wird useg’löst. O we’s i däm Chübu nid so a-mächelig usg’seht, das git verschiedenschti Produkt. Kokosfett, Kokosraschpel, und, und und. D Schale bruche d Ziegeleie (u.a.) zum Ziegelstei brönne. (s.u.)
Die Familie verarbeitet o Kokosnüss. Si bohre ds Fleisch us der Schale. Die Raschpel wärde de verchochet zu karamelähnleche Täfeli.
Binsenwahrheiten spiele i dere Familie e Rolle. Us Bins (Gräser), wo tröchnet si, wäbe si Matte (ähnlech wie Schilfmatte), wo im tägleche Läbe vo de Vietnamese b’brucht wärde.
Währed mer im Delta ungerwägs sy, träffe mer e ganzi Reihe Lüt. Zum Teil uf Boot, zum Teil i Hüser, läbe si hie u verdiene ihre Ungerhalt.
Är bringt is de speter o zum Hotäl.
Zum Zmittag si mer bi re Familie, wo Tourischtegruppe cha verchöschtige. Klar, dass da o e Darbietig organisiert wird.
Ziegelei mit Hüfe vo Kokosschale dervor.
Als Rapperswiler het mi der B’suech i re Ziegelei b’sungersch interressiert. Entlang vom Mekong het es e ganzi Reihe vo Ziegeleie, wo ungerschiedlechi Produkt härstelle.
Einhersit’s isch der Lätt hie i Masse vorhande, das isch scho mal günschtig. Als Brönnstoff wärde meischtens Kokosschale verbrönnt. Die si hie o günschtig z ha u vo dene het es o überall.
D Maschine hie si i kener Art u Wys z verglyche, mit däm wo i der Schwiz brucht wird. Der Lätt wird vorbereitet u de dür die Maschine presst.
Formpress |
Lätt Ufbereiter |
Erstunlech, dass all Steine glych läng si.
abg’schnitte wird vo Hand
 |
 |
 |
 |
U das isch de nid öppe es Museumsstück, – hie wird produziert
Was produziert worde isch, wird tröchnet. Irgendeinisch wärde die trochne Ziegelsteine i Ofe tischelet. Das allei isch e urtümleche Ort. Ke Verglych mit de Gasöfe ir Ziegelei Rapperswil.
 |
 |
Die brönnte Steine wärde wieder dusse uftischelet u si bereit für e Verchouf.
Scho interessant, so ne Ziegelei
Na de B’süech i de Handwärchsbetriebe wärde mer zu der Unterkunft b’bracht.
D Übernachtig im Delta isch ohni Boot nid mügli. Mer wärde i ds Mekong Riverside Resort in Cai Be b’bracht. Jedi Partei bewohnt es eiget’s Bungalow diräkt i de Seerose.
