28. März 2023 01:40

65XW+WMR, 16 Trần Phú, Xương Huân, Nha Trang, Khánh Hòa 650000, Vietnam | 26°C

Mer si früech dranne im Hotel in Nha Trang. I ha guet u lang g’schlafe u itz viel Zyt zum Zmörgele.

Es geit i d Bärge. Der Riis churz nach der Grossstadt isch gälb u muess äuä nächschtens g’ärntet wärde. Der Chauffeur het scho itz es sportlech’s Tämpo druff.

Es geit, wie scho g’seit, i d Bärge. Isch kurvig, holperig u d Fahrt bruucht mi. Schad.

Tja, de irgendeinisch chunnt no ds Düftli vo Erbrochnigem; – das längt o mir. Zum Glück haltet der Bus u i cha i aller Rueh «de Chrähie gah rüefe». Dernah cha der Fahrer rücksichtsvoller fahre.

Zmittag iss i hüt nüt. In Da Lat näh mer d Schmalspurbahn. Die hei d Franzose ‹boue u d Schwizer hei drei Lokine chönne verchoufe. (Wo si de später zwo zrügg chouft hei.) In Vietnam roschtet d Dampflok aber vor sech häre, mer hei e Disellok.

D Fahrt duuret nume churz (45 Min) bis zum «Ga Trai Mat».

In Trai Mat b’sueche mer der Cao Dai Tämpel.

Dä isch vo re buddhistische Sekte 2005 bis 2010 ‹boue worde u scho no so imposant

Ja u de geit es dür das Bärgland. Schön süferli u für mi Mage ziemli verträglech. I muess em Chauffeur danke.

Da Lat u das ganze Gebiet hie isch prägt dür e G’mües u Bluemeabou. Jedo müglechi u unmüglechi Flächi isch überboue mit G’wächshüser