25. März 2023 04:42

W933+6G5, Lạc Long Quân, Cẩm An, Hội An, Quảng Nam, Vietnam | 28°C

Es isch der 25.3. Hüt isch ke Programm. Trotzdäm jagt es mi scho früech us em Bett. I ha ds Gfüehl, i heig mi verschlafe.

I gah mit em Sanktgaller-Kolleg no einisch uf Hoi An iche mit em Hotälbus.

Hüt het es o viel Lüt aber d Mehrzal dervo si Händler.

So uf e Mittag gäh mer wiedet zrügg

I nutze d G’lägeheit, mi z Fuess uf d Suechi nach ere Coiffeuse z mache

Nach eme längere Fuessmarsch finge n i eini, wo offe het. Elektrisch wird nid g’schore, es isch Schärelibüez. Aber si macht das guet. Uf ds zweite Angebot im Lade, uf d Chleider, verzichte n i.

Uf em Rückwäg finge n i sogar e ATM.

Ja, u sithär schribe n i B’richtli, dass dir öppis z läse heit. Hinech louft nümm viel. Morn Morge geit d Reis vor de Güfe wyter 😀.

Üsi Reis geit wyter.Na zwene Tag in Hoi An fahre mer im «Boutique- Hotäl ab i Richtig Bahnhof Da Nang.

Es isch seeehr früech. D Zyt, wo mer ds Da Nang im Bahnhof warte hät me g’schider im Bett verbracht.