Tag 4
Es geit wieder zrügg. Hüt ga n i ds ersche Mal rächt guet g’schlafe. Wie gäng erwache n i em siebni. Vor wm Zmorge längt es no, hurti zum See ache. Mer si wieder allei, d Änte u ig.
- Location: 47° 53′ 57″ N 8° 9′ 0.054″ E
Bim Zmorge si viel Lüt i däm ‹Zmorgerüümli›, anschinend wei cieli hüt viel ungernäh
Nachhär isch no zämepacke, verabschiede u gah.
Mit em Badisch Bähnli fahre mer bis Freiburg. Im Bahnhof muess der Loränz siner Flugkünscht usprobiere, mit em Ergäbnis, dass der Ellboge muess verarztet wärde. Mer blibe ir Nechi vom Bahnhof. Öppis nah de zwölfe geit es wyter gäge Basel.
Verspätige über Verspätige;- im Steibock ässe mer e Salat.
Fasch em halbi drü fahre mer wyter gäge Langetu zue. Es isch schön Wätter, mer nähme’s wie’s chunnt.
Daheim isch es heiss. D Pflanze bruuche Wasser, – ig o!
U der Usflug? Ja äbe, änedrann isch angersch, : aber nid schlächt.