18. Juli 2024

So, hüt het die Reis es Änd, – oder sött i säge ‹die Ferie›? Mit em Zügli si mer bal wieder in Freiburg. Vo dert geit es im Schwick bis Basel u wieder hei.

D Ungerkunft isch rächt guet g’sy, o we mis Zimmer nume es Dachfänschterli hinger use het g’ha. Aber was wott me, das g’hört zu de Ischränkige, we me allei i n es Hotel geit. Einzelzimmer si meischtens ‹hinger use›.

Der See, oder ds Seeli isch schön. Schad isch, dass Titisee übertribe touristisch isch. Das hätt i mer zwar chönne dänke, – aber g’rad so…
Nu, de Änte g’fallt’s u mir hei d Änte g’falle. Titi aber, ha n ig g’seh.