Früher glaubte man, dass in der Grotte von Postojna ein Drachen hause und dass die Grottenolme seine Jungen seien. Das einzige unterirdisch lebende Wirbeltier Europas kann bis zu 100 Jahre alt werden und mehr als 8 Jahre ohne Futter auskommen. In Sloweniens Karsthöhlen leben mehr als 150 Tierarten. Die größte ist der Grottenolm (Proteus anguinus).

Föteli vo hüt:

Datum: 14.09.2025
Übernachtig: Hotel JAMA, Postonja

Erläbnis:

Der hütig Tag faht grau a. Es isch bedeckt u das macht dä Morge nid grad fründlig.

D Morgeroutine faht am halbi sibni a. Düschele u so, de Nachrichte, no chley umesürmle, Föteli mache; – em achti geit es zum Zmorge. Will das Hotäl so riesig isch, brucht es es entsprächends Büffee. Eis, wo am Afang suber u schön isch u usg’seht, wo aber die Horde vo Tourischte i churzer Zyt plünderet u zerstört. – Ja äbe, verschiedeni Chinderstube!

Nach em Zmorge göh mer zersch i ds Vivarium vo Postojna. Dä Ort hie isch berüehmt für d Höhlene.
Drum ume het me e ganzi Reihe vo Sehenswürdigkeite büschelet u ufb’boue, wo touristisch vermarktet wärde. Eini dervo wär ds Vivarium. I re chlyne Näbehöhli wärde d Läbewäse vo der Postojnahöhli zeigt u beschriebe. Der gross Star hie isch äuä der Grotteolm. Im erschte Komtakt isch er wäg em Usg’seh eher unsympatisch. Je meh mer aber über ne vernäh, deschto meh achte mer ne.

E wyteri Atraktion isch d Expo. I me moderne Geböid het me gamz viel G’schicht zämetreit u usg’stellt. Einersits wird mit viel Ärdg’schicht d Entstehig vo dere Larschtlandschaft in Slowenie erklärt. De wird d G’schicht vo der Mönschheit u d Besiedlig vo der Gäged zeigt. E angere Aspäkt isch d G’schicht vom Tourismus vor Ort. Bis am eis am Mittag hei mer is b’bildet u de git es e Kafi.

Später am Nami mach mer is parat zum Bear Watching.

Mer göh nach Lož u dert i ne Wald. Mit me Füehrer wei mer gah Bäre beobachte. Das wird es b’sungersch Erläbnis.
I re chlyne Gruppe höckle mer i me Beobachtigshüsli u g’seh uf ne Waldliechtig. Scho wo mer a chöme isch e Bär da. Später chunnt e Bäremuetter mit zwöi Junge. Es het aber o angeri Tier da.

Na de achte fahre mer wieder zum Hotäl zrügg.

Um spezielli Erfahrige riicher göh mer hüt i ds Bett.