Der Usblick us mim Hotälzimmerfänschter isch nid berouschend: wulchig.
Der Nationalpark Triglav hat eine Gesamtfläche von 83.982 Hektar (ca. 840 km²), was 4 % Sloweniens entspricht. Der höchste Punkt ist der Triglav (2864 m), während der niedrigste Punkt die Tolmin-Schluchten auf 180 m sind. Der Park beherbergt über 7.000 Tierarten und etwa 1.600 Pflanzenarten, darunter zahlreiche endemische Arten. Er ist ein wichtiger Lebensraum für Braunbären, Luchse und Steinböcke.
Föteli vo hüt:
Datum: 09.09.2025
Übernachtig: Ramada Kranjska, Kranjska Gora
Erläbnis:
Der hütig Tag isch reserviert, für im Nationalpark desume z loufe. Vier Prozänt vo Slowenie a eim Tag z erläbe isch eidütig e z höche Aspruch. Guet, chlyni Teile hei mer scho erläbt, aber trotzdäm…
Mer starte wieder am achti mit em Zmorge. Bis gäg die zähne si mer parat; – aber es wird de glych zwänzg ab, bis mer starte.
Da mer ja scho im Park si, hei mer is vorg’noh zum ‚Jesero Jazna‘-See z loufe u vo dert zu re Bärghütte, der ‚Koča v Krnici‘-Hütte ueche ufzstige. Das geit vo rund 810m uf rund 1110m, also nid so wahnsinnig.
Der Wäg ueche zügt vo Unwätter, wo hie ache g’gange si. Ds Bach- oder Flussbett het e schier unwahrschynlechi Breiti. Da si Steine u G’röll, me gloubt’s chuum. Abg’rundeti Steine, wiss – es isch ja Chalchstei, millionefach i jeder Grössi, decke der Waldbode u ds Flussbett.
Üsi Tour steit unger em Moto: ueche u wieder ache.
Der Ufstieg isch chley müehsamer. Aber es geit dür idrückleche Mischwald, wo scho lang nüm g’holzet wird. Vo der Tierwält g’seht me weni bis nüt. Derfür het es zviel Lüt.
Aber Pflanze, wo bi üs scho lang verschwunde si, git es hie no. (Em Wäg nah g’seh n i unändlech viel wildi Chrischtrose.) Es het es Sammelsurium vo Bekanntem u Unbekanntem.
Die Bärghütte entpuppt sech als Reschturäntli. Mer verpflege n is. Nachhär geit es wieder nidsi. Wil mer’s sehr g’müetli näh, si mer so um die füfe wieder im Dorf unger. Ds Wätter isch nid z warm u nid z chalt g’sy. (Der Räge chunnt de, we mer bim Znacht sy.)
Nach me Pöiseli göh mer zwo Stung später gah Znacht ässe.
Morn reise mer ab u de geit es a ds Meer.
