Zu üsere Entschuldigung cha n i säge, dass es geschter spät worde isch.
Datum: 12.02.2025 Ufenthalt: Ollantaytambo –
Rasanti, witzegi ‹Chärre› wo me hie überall a trifft. Transporter, Taxi, Familiefahrzüüg, Töff mit Schärme …
Erläbnis:
Es isch de äbe o hüt Morge spät worde. Dusse tropfet der Räge mal meh, mal weniger. Der hütig Tag isch wieder zum Nacheschaffe.
… jaja, geschter!
Der Heinz planet i d Zuekunft, muess für kommendi Länder e Versicherigsschutz abschliesse. Dernäbe muess er vieli Fotos sichte, bearbeite u de später freischalte. Ig probiere die letschte beide Byträg i ne einigermasse e Form z bringe. O bi mir hei sech uf Machu Picchu e Masse vo Fotos a g’sammlet, wo uf e Compi müesse. Es isch Schärmebüetz ag’seit- u natürli git es viiiil z b’richte.
Gäg die zwöi, es rägnet g’rad nid so, göh mer gah Zmittag ässe. Nachhär loufe mer no dür d Ortschaft, löh no Gäld use u choufe ‹Duschi›. Tja u de göh mer scho wieder i ds Hotäl zrügg u schaffe wyter bis am Abe. Tschüss