Üse Wäg füehrt o hüt wieder dür d Bärge? Mer fahre em halbi nüni in Abancay wäg.
Datum: 06.02.2025 Ufenthalt: Carahuasi, Casa Lena –
 |
 |
 |
 |
 |
 |
 |
 |
Erläbnis:
Dür nene fruchbarifruchbari Gäged füehrt üse Wäg i Richtightig Saihuite oder Saywite. Mir hei verschiedeniverschiedeni Schribwyse g’se. Üses ZielZiel isch e bekannti Inkastätt.
Wo mer zuechefahre, g’seh mer nume der oberscht Teil vo däm Ort. E grosse Monolith fallt uf. Bim Nächercho gseht me, dass die ganzi Oberflächi bearbeitet isch. Nid wyt ewäg steit e Zeremonialplattform. Vo dert us g’seht me i ds Tal use, wunderbar. Hinger dere Plattform het es e Art vo Kaskadebrunne, oder Brunnekaskade. steil geit es ache ( u de später ueche). Unger het es e Reihe vo bearbeitete Felse, mit Stägli, Plattförmli u so. Nid wyt ewäg isch der gross Versammligsplatz u Stirnsitig e zwöistöckegi Pyramide. Mir si bis am halbi drü i dere Alag.
Denn schlöh mer der Wäg i Richtig Tarahuasi i. Vorhär, in Curahuasi sueche mer is e G’lägeheit zum Ässe. We mer öppis vo Vegetarier säge, oder vo fleischlos, wird vielne Orte eifach abg’wunke. Aber schlussäntlige ässe mer guet u viel.
Im Casa Lena finger mer e tolli Ungerkunft. E Camping, mit fliessend Wasser, subere Toilette (mit Papier) Duschene u me Ufenthaltsruum. D Ussicht isch einzigartig.
Hinech gah n i früecher i ds Huli.