D Abfahrt us Puno isch relativ unspektakulär. Siebni Zmorge, denn o alles packt, Gepäck verlade, abrächne u um die achte fahre mer ab.

Datum:      20.02.2025 Ufenthalt:  Copacabana Umgäbig:

Erläbnis:

In Puno müesse mer no Läbesmittel ichoufe, de tanke u schliessli isch sowit. Üsi letschti Fahrt dür Peru faht a. Mer lege no fescht, was mer ungerwägs wei besichtige. In Chucuito luege mer churz es Inkabouwärch a (Inca Uyo). Später fahre mer zum Waruwaru. Das g’fallt mer!

In Juli, sueche mer es Reschturant. Leider isch es scho zwöi g’sy u mer wärde i drüne Reschturant wieder wägg’schickt, will si nümm hei. Ir vierte Beiz berchöme mer schliessli es rächt guets Menü.

So, u itz faht d Vorbereitig für e Gränzübertritt a. Der Tank no einisch fülle, alli G’mües u Frücht verstecke, Pass u Papier parat mache. Em halbi sächsi si mer in Kassni, im bolivianische Imigrationsbüro.

Sowohl d Usreis us Peru, als o d Ireis in Bolivie verlouft problemlos.

Am achti si mer i der Ecolodge in Copscabana, Bolivia. Guet Nacht.

(Leider het es am 20. e Stromusfall in Rapperswil g’gäh. Äxcüsi wäg de Umständ u danke allne, wo g’hulfe hei, dass ‹es› wieder geit.)