Die Nacht im Hostel het üs beidne guet ta. Wieder warmi Füess, wieder warmi Häng.

Datum:      17.02.2025 Ufenthalt:  Juliaca-Puno Umgäbig:Erläbnis:

Üsi hütegi Tour füehrt üs vo Sicuani gäge Juliaca. Em halbi nüni geit es los. Gly fahre mer dür witi Täler, i dene am Afang Acherbou betriebe wird. Grossi Fälder wächsle sech ab. Verschiedenschti Nutzpflanze wärde a boue.

Später g’seht me uf dene Äbene viel Sumpfgebiet u Seeli. Hie weide de nume no verschiedeni Nutztier.

Dür die Landschaft het me e grossi Verbindigsstrass u ne Isebahnlinie g’leit, wo je nach Situation d Site wächsle.

Es isch sicher nid ei Äbeni. Zwüschedüre chöme d Bärge u Hügle äng zäme, de isch de weni Platz füt e Verchehr. D Ortschafte si meischtens am Rand vo de äbene Fläche a g’leit.

D Strass füehrt üs vo Äbeni zu Äbeni. Dertür entsteit der Idruck vo unändlecher Grössi.

Der Heinz seit, es g’sächi us wie di mongoleschi Steppe.

Die Strass, wo mer druff fahre, isch nid für die lokali Bevölkerig g’macht, sie isch hie e Frömdkörper, wo trennt u stört. E Fernstrass für überregionali Interrässe.

In Pukara fahre mer zeesch wäg me Kafi häre. Die schnuergrade Strasse mache müed. De träffe mer uf n es Museum u ne grossi archäologeschi Usgrabig.

Nach me Rundgang, viel fötele, chley kömerle, sueche mer is es Reschturant zum Zmittag ässe. Me isch hie nid so Vegetarier-fründlech. Mis Menü besteit us warmem Riis, ere g’schiblete Tomate u Gurke.

Üsi nächschti Ungerkunft isch i der Nächi vo Juliaca e Cämpingmüglechkeit.

Die erschti Useforderig isch Juliaca mit sim Grossstadtverchehr. Dernah geit es uf ds Land use. D Zuefahrt zu däm Camping isch die zweiti Useforderig. Der B’sitzer isch nid anwäsend. Sini Partnerin zeigt, was geit.

…und abends grüsst der Wolkenbruch.