~~~~~~

Datum:      04.02.2025 Ufenthalt:  Pacucha Umgäbig:

Mer mache Pouse in Pacucha…

Erläbnis:

Was für ne fule Tag! Es isch zwar so, dass ig o hüt scho em sächsi uf de Füess bi, aber loufe tuet nid viel. Mir hei beschlosse, der ganz Tag hie ds Pacucha z verbringe für Verschiednigs wo isch blibe liege, nache z schaffe.

Mer si der ganz Tag verusse am Compi bi üsserscht trüebem Wätter u chalte 13 Grad Tämperatur. Zersch tüe mer zmörgele, de äbe Bilder tischele, de göh mer gah zmittage u si wieder am Compi.

Ds Ergäbnis sötte aktualisierti u korrigierti Brichte si u Fotos het es o meh zum Luege.

I gloube, i gah hüt o früech i Schlafsack!