8. März 2020 09:42h

Chanzy, 30800 Saint-Gilles, Frankreich | 8°C

Guet, en Ersatz für ds Predig isch es ja nid. Aber itze, da derfür isch es ja o nid dänkt g’si.

Mir fahre hüt Richtig Saint Gilles. Dert isch Märit. Es het veiechli Lüt, wo hie ihre Sunntigvormittag zuebringe.

Rächts si Frässalie, – lings Chleider u ds ganze China-Produktione-Agebot. Es isch lut, bunt u schmöckt i aune mügleche Schattierige.

10:04h

Lat: 43.676, Long: 4.435 | 10°C

Toll, eso macht ds Orange choufe doch eifach meh Fröid.

Am Schluss brucht es e chline Schwarze. Ds Stedtli macht e ganz guete Idruck. Schöni Hüser git es o hie. Vieli si zwäg g’macht. Wirtschafte het es wie wiud. Aues läbt u g’schäftet wird o am Sunntig.

Öppis na de zähne fahre mer wieder nach Beauvoisin zrügg. Mir heija no nüt zmorge g’ha.

11:56h

9 Place Gambetta, 30800 Saint-Gilles, Frankreich | 14°C

Geniau, was es bi der Veronique aues zum «Zmorge» git. Mir ässe u brichte u es wird eis am Nami.

Dusse isch es hüt ganz windstiu. I nime n e Stueu u hocke vor ds grosse Tor. 34°C si n es da; – i brate stiu vor mi häre.

Soäter wei mer no nach Aigues Mortes.

15:23h

49 Rue Baudin, 30220 Aigues-Mortes, Frankreich | 13°C

Aigues Mortes, der Ort in Südfrankrich wo vili dervo tröime u wo eigetli viu z touristisch isch für mi.

Nu ja, mir hei eigetli wöue gah Ris choufe, – der Lade, wo d Mädle kennt het aber zue g’ha. Du si mer du i ds Stedtli iche.

I ha der Chrömilade g’funge u später het es de es Kafi uf em zäntrale Platz g’gäh.

16:41h

51 Rue Baudin, 30220 Aigues-Mortes, Frankreich | 13°C

Ui, Rössli vor der Stadt. Was muess dä arm Chlepper ächt de der Summer düre. I ha scho iz Bedure.

Eso e richtig gueti Ungerkunft isch das ömu hie nid u e Weid steue ig mir o angersch vor.

18:44h

306 Rue de la Poste, 30640 Beauvoisin, Frankreich | 13°C

Chlei flügerle im Garte (verbotnigerwis) bringt e ganz eigeti Übersicht über das Beauvoisin.

Aus Erinnerig isch es sicher ganz luschtig, – o we n es es Afängerprodukt isch. 😏