7. März 2020 10:08h

121 Rue de la Poste, 30640 Beauvoisin, Frankreich | 10°C

 

Es super Zmorge! Müesli, Chäs u Gomfibrot (u de no Fige). Nachär braschte u weiss nid was aus dürehächle.

Ersch fasch em Mittag höre mer uf mit dere Zmorge – Tafle. Speter wei mer de gah loufe u no a ds Meer.

 11:09h

76 Rue des Lauriers, 30640 Beauvoisin, Frankreich | 11°C

Nu ja, schön isch es, Früehlig o. Dusse chutet aber es rächts Lüftli u wermer isch es i der Schwiz o g’si. Trotzdäm, – es g› faut.

13:07h

Hauptstrasse 97, 3255 Rapperswil, Schweiz | 7°C

Mir göh ga ds Dorf a luege. Beauvoisin wird gäng grösser, nöii Hüser wärde i nöie Quartier b boue. Im Dorf si aber viu Boute am Verg’heie. Warum das so isch, begrife ig nid.

Zum Glück git es aber geng no g’nue Wiibärge z rings e tum ums Dorf. Dert het der Früehlig scho a g’fange.

13:11h

121 Rue de la Poste, 30640 Beauvoisin, Frankreich | 13°C

Mir müesse gah loufe, süsch si mir der ganz Morge g’hocket.

Ig lehre ganz nöi i Egge im Dorf kenne. Richtig Oschte, Richtig Räbbärge g› swht das ganz guet us. Aber es isch chaut u sehr zügig.

14:56h

121 Rue de la Poste, 30640 Beauvoisin, Frankreich

 

Nami: Mir fahre a ds Meer. Üses Ziu isch Saintes Maries u mir sueche es Reschturant für d Mädle. Im Louf vo der Zyt zeigt sech de, dass si  eifach tuet rekognosziere füe e Ufenthaut mit de Worber-Froue. 😜

15:05h

Lat: 43.487, Long: 4.384

Mit der Bac Sauvage fahre mir über die chlini Rhone u so wit i ds Delagebiet use.ves geit über Strässli, wo mi fasch chli a Indonesie mahne. Aber es geit Richtig Saintes Maries, – u mir wärde a cho.

15:23h

13460 chemin départemental 38 clos du rhône, 13460 Saintes-Maries-de-la-Mer, Frankreich | 14°C

 

Mir si uf der Suechi nach wm Reschturant, wo d Mädle mau het g’seh. Das hei si aber iche g› no u mir krabble dür e Sang.

Dä Umstand gitno es Zytli z rede, aber itze. Es isch wie n es isch – mir sueche es Kafi 😉

Kuschelig hiub u trotzdäm a der Sunne trinke mir das. Es isch e Fröid. Dirät a der Promenade u derhinger isch ds Meer.

Speter loufe mer no dür ds Stedtli. Es het scho rächt Tourischte. Mir choufe e Glace u de tschuderet’s eim nid nume usse.

 

Am spetere Nami tuckere mir wieder Richtig «Figuier».