6. März 2020 10:58h

3 Rue de la Clastre, 30640 Beauvoisin, Frankreich | 9°C

Ig bi wieder einisch ungerwägs zum Vroni. Zäme mit der Mädle gondele ig gäge Bonvoisin zue. Ds Wätter wird gäng wie besser, es het weni Vercher u mir hei gaaaanz viu z b’richte.

Scho vo Afang a isch klar: mir wärdes ganz g’müetlech näh. Mir hei ja Zyt!

12:46h

Chinderegge g’seh ds Frankrich o chlei angersch us aus i der Schwiz; – meine n i. Würkli wüsse tue n i das ja nid.

Es zweit’s Kafi tuet guet – glychzitig brucht’s de aber o es Hüsli. Das Kafiwassee wott nid bi mer bliibe.

Lang haute mer nid, aber guet het das Pöiseli ta.

 14:49h

Es Käfeli git es a aune mögleche Orte a der Outobahn. Mir si immer no guet dranne, was d Mängi vo de Outo a geit.

Ob d Franzose fasch au daheime blibe wäge däm Corona Virus?

Das Chüechlizüügs isch de nid vo mir. D Madlen het e Sterchig brucht.

16:25h

10 Rue de la Clastre, 30640 Beauvoisin, France | 13°C

Bir Veronique isch Oschtere …  u wie gäng e ganz gueti Chuchi! Mir zieh üs chlei zrügg i d Zimmer – u scho bau isch es sibni. Es git Znacht. Mmmmmm, zersch e gaaaanz gueti Paschte mit chlei Chips, denn es ganz guets Salätli, drufabe es tolls Ma-Me un es Dessär, – es isch eifach e Fröid g’si.

Am Schluss es Käfeli – dä Tag isch g’rettet!