1. Februar 2024 02:12

119 San Lazaro, La Habana, Kuba | 18°C

🇨🇺 ¡Hola!     Letschte Tagesrückblick vom: 1. Feb 24

So, letschte Tag. Packt isch, Heinze isch o sowyt, no zmörgele, zahle u abreise.

Heinze isch scho am Vormittag mit der Abreis nache. Der Täxeler, wo ds Reiseungernähme b’stellt het, chunnt pünktlech u packt ne i. Är flügt nach Cancun, Mexiko u fahrt dert mit der «Red Camel» – Reis wyter.

Ig blibe no bis am Nami, trinke Kafi u Mineral. Zum Zmittag wächsle n i uf ds Dach, wo ne wunderbare Sitzplatz i-g’richtet isch. D Ussicht isch de aber dürzoge, nid alls wo me g’seht g’fallt mer.

De chunnt o mi Täxeler u bringt mi zum Flughafe.

Dert stune n i, wie Kubaner erfinderisch si. E Ma bringt si Frou mit em Töffli zum Flughafe u het e patänte Koffereahänger.

De faht ds Warte a! Drü Stund warte die Schwizer hie. Vieli vo ihne si i dene Hotälburge g’sii in Varadero. Teil Chöpf chöme mer sogar bekannt vor. Nach unändlech länger Zyt stah, wärde d Tourischte i Sächsergruppe i ds Flughafegeböid iche g’no (ichecke, Gepäck ufgäh, Sicherheitskontrolle usw.)

Bis de der Flüger chah bestige wärde, geit es gäng no e wyteri Stung. ( ds richtige Flugzüg heigi g’fählt)

Irgendeinisch am Abe isch de sowyt. Schwiz i chume zrügg.