25. Januar 2024 13:30

265 C. Santo Domingo, Trinidad 62600, Kuba | 24°C

🇨🇺 ¡Hola!     15. Tagesrückblick vom: 25. Jan 24

👍👍👍 Die hütige Höhepunkte

Der Strandb’suech: rächt warms Wasser, wiisse Strand, guete Zmittag

Ort: Casa Zenia, Trinidad

Reis:

Nach em Zmorge, em achti, beschliesse mer a Strand z gah. Der Playa Ancön isch uf ere vorg’lagerete Halbinsle u heig e wunderbare Strand. Mer wärde mit eme uralte Ford transportiert u si de am halbi zähni dert. Mit em Fahrer mache mer ab üs, em halbi eis wieder z reiche. Usserdäm  b’stelle mer Zmittag

Lüt het es, aber nid übermässig. Mer si i däm Strandabschnitt fasch allei. Ds Wasser, ou we das d Karibik isch, bruucht chley Überwindig. Villicht o will d Luft so warm isch. Nu de, centimeterwys lah n i dä Eduard i ds Wasser gleite.
I muess säge, es g’fallt mer hie.
Nachhär chunnt ds Problem vom Sand u ds Alege. I löse das, indäm i d Badesache anne b’halte bis im casa.

Ds Ässe isch guet. I ha vegetarischi Spaghetti. Nüt Speziell’s, eifach guet. Em halbi chunnt der Fahrer.

Dä muess is uf em Heiwäg no schnäll es uralts Outo zeige u das isch zuefällig i re Töpferei. Am zwöi si mer zur Siesta zrügg im casa.

Es isch heiss hüt. Drum bruche mer scho chley Zyt. So um die drü göh mer i d Stadt. Mer si i me Beriich, wo mer bis itz nie si g’sy. Es isch ärmer hie, – het weniger casa particular. Trotzdäm g’seht me o schöni Egge. U Lüt wo eim nid nume ab’bättle begägnet me o. Aber, – es geit de Lüt gar nid rosig.

Är isch e ‹Flicker›, alles Elekterische u Elektronische …

Am füfi müesse mer zrügg sy, der Heinze muess i d Beimassage.

Später ässe mer mit der Familie Teigware.

Useforderige: / Speziell’s:

I tue hüt, vor em Mittag, no schnäll ds Zimmer wächsle. D Chefi fragt, öb i ächt würd i d Suite wächsle, sie würd mis Zimmer für ander Gescht bruche. Das mache n i natürli. D Suite isch e geosse Ruum im erschte Stock, mit ere Stäge i zweit Stock u re Freiluftbadwanne. 🤪