27. Oktober 2022 17:03

Οdos xoris onomasia, Ag. Georgios 740 53, Griechenland | 24°C

Donnschtig isch e freie Tag; – das heisst, jede u jedi stellt es ganz eiget’s Programm zäme. Eigetli… I Tat u Wahrheit loufe de glych fasch alli übere zum Georgios. Dä Ort erreicht me nach ere Wanderig. Es si zwo Beize u e Strand. Wobi, ei Beiz isch o es Hotäl.

Ig bi hüt chlei später ufg’stande, ha chley länger zmörgelet, bi de im Zimmer no umeg’fläzet u anschliessend im Dorf par Föteli gah mache. Im Souvenierlade ‹le shop› ha n i no e Bitz mit der Verchöifere, ere usg’wanderete Dütsche b’richtet›, wo mer vo ihrem stränge Job verzellt het. So gäg die elfe bin i de zrügg zum Hotäl. Dert ha n i mit ere Wanderkollegin abg’macht, dass mer uf die zwölfe o a Georgios› Strand göh.

Mer hei nid all Ab hürzige g’noh, drum si mer de gäg die zwöi i dere Strandbar acho. Dert hei mer zersch zum Zmittag Tsatsiki b’stellt. Das het de d’uuret u es isch mer ganz weni Zyt b’libe, zum Läse.

Em Viertel vor vieri isch ds Schiffli cho, wo üs bis Agia Gallini b’racht het.

Drü Stund später hei mer wieder im Zäntrum abg’macht für nach e Bitz griechische Saage gah Znacht z ässe.
Toll isch es g’sy, i ha viel z viel g’ässe.