25. Oktober 2022 11:41

Epar.Od. Gortinas – Matalon, Gortina 700 12, Griechenland | 26°C

Kultur isch a g’seit. Mit eme Privatreisefüehrerer föh mer in Festos a. Vo der Steizyt a wird der ganz Wärdegäng vo Kreta abg’handlet. Es isch zwar hüt heiss u nid unbedingt die beschti Vorussetzig für G’schicht z lose, aber es isch interessant u der Georgios weiss unändlech viel.

Gäge Mittag wächsle mer nach Gortys. Das isch die Stadt, oder das Ruinefäld wo ganz viel vo der griechische Mythologie a faht (Europa u Zeus …). Hie si o die ältischte G’setzes(büecher)tafele g’funde worde.

Das Stadtrecht von Gortys (altgriechisch Γόρτυς) oder Gortyn, auch bekannt als Große Inschrift, ist eines der ältesten bekannten europäischen Gesetze. Es stammt aus der Zeit um 500 v. Chr. bis 450 v. Chr. und befindet sich in Gortys auf Kreta.

Scho beidruckend, was da nach zwöituusig Jahr no z g’seh isch u was drus isch worde.

Später, öpe am halbi zwöi in ässe mer in Matala Zmittag. Gägenüber si d Felshöhlene vo de Hippis, aber das is h e angeri G’schicht. Obschon, das Dörfli provitiert vo dere Vergangeheit gäng no. Der ganz Tourismus isch da drufe uf boue.

I plöischle der ganz Nami desume. Käfele, chrämere, käfele, chrämere, …

Na de föife fahre mer wieder zrügg nach Agia Galini.