22. Oktober 2022 03:20

Vorfahrt Abflug 11, 8302 Kloten, Schweiz | 13°C

I me Kapslehotäl; – du mini Güeti, was isch de das?

Wo n ig tschegged ha, um weli Zyt dass ig im Flughafe sött sy, ha n i beschlosse ds Züri z übernachte. Nüglechacht nach bim Check In u günschtig. Ds Hotäl Alpin Garden isch fasch uf em Rollfäld, günschtig, online u nes Capsule Hotäl.

Das Experimänt, wo für viel Mönsche Alltag isch (Japaner, Chinese, …) wott i o mal erläbe. Zwöi e halb Kubikmeter, das isch es Zimmer mit Bett, Wifi, Dusche, WC zu me Pris vo sächzg Franke.

Ds Ichecke erfolgt online. Dernah ha n i e Code als Schlüssel für i Ruum u dernah i d Chapsle. Es gaaaanz nöis Erläbnis. Es isch suber, sosolala bequem u alles klappet.
Ds Schlafe isch de nid so erquickend, will d Luft us ere Klimaalag chunnt (isch ja o nid angersch mügli).
Na de viere stah n i uf, ga ga dusche u nachhär bruche n i es Kafi. Im Edelwysskafi git es das scho: toll.

Dr Check In bi der Swiss/Edelweiss ha n i scho g’macht. D Goffere isch sider geschter o ungerwägs, i ha füeglech Zyt. Em halbi sibni brucheni es zwöit’s Kafi u ja, no einisch es Gipfeli.
Ds Boarding im Gate B34 faht am halbi siebni a. Kreta cha cho!