9. Oktober 2021 16:12

De isch der letscht Tag da. der Morge, der Sunneufgang isch wieder wunderbar. Schad, isch die Wuche scho wieder düre.

Abflüge tüe mer wieder in Heraklion. Das git es ziemlig’s Fährtli mit em Bus dür d Insle. Im Flughafe het es ‹Lüt›. Aber irgendeinisch si o mir drann u mer flüge ab.

Dä mit em Chäschüechli wird dürezoge. Wieder stilisch verpackt, typisch schwizerisch. E kulinarische Höchg’nuss isch das nid. Aber, i flüge ja nid wäg der Verpflegig. 😂

Ds Züri si mer gly no einisch u  der Umstieg uf d Bahn isch problemlos. Im Schwick bi n i ds Solothurn.Vo dert bis Rapperswil isch zwar läng, wil ds Poschi bi fasch jedem Mischtstock haltet, aber es fahrt bis fasch vor mi Hustüre.

Es isch scho wieder Abe. Kalispera!