Kreta 2021

3. Oktober 2021 10:28

Unnamed Road, Ag. Nikolaos 721 00, Griechenland | 18°C

 

blank

 

E wunderschöne Morge in Elounda Blu. D Sunne verzouberet d Landschaft u wermt scho gly. I ha g’schlafe wie ne Stock. Aber, em haubi sibni erwache n i, wie vo Zouberhang. I ha zwar e Wecker g’steut, aber nume Mäntig bis Samschtig 😏 u hüt isch ja Sunntig. Ds Zsmorge isch wieder grosses Büffee, – aber der Kafi hätti chley länger Bohne müesse g’seh.

blankAm haubi nüni bringt üs der Michaelis, der Chauffeur, zersch i ds Innere vor Insu. Zmitts i de Oliveböim stige mer us. Dür e aut Verbindigswäg stige mir bis zu de Ruine vo Lato uf. Die Ruine si vo Geböide, wo tuusig füfhundert vor Chr. hie g’stande si. Es isch e gaaanz idrückleche Ort, wo eim o z dänke macht. Was si das für Lüt g’sy, wie hei si g’läbt, was hei si für Fröide u Sorge g’ha? Warum si sy so höch uf dä Bärg ueche gah ihrer Hüser boue? E verruckti Zyt, da vor Chrischtus. Der Georgios üse Führer weiss ung’hüür viu u verplatzt fasch, dass aues use mah. Wahnsinn, was dä aues weiss!blank

Am Mittag loufe mer de los wieder dür d Oliveböim, eme trochne Bachbett nah i Richtig Krista.

blank blank

Unterwägs tüe mer Zmittag pignigge. Ds Krista wartet der Michaelis u bringt üs nach Angios Nikolaos, der Hafestadt vo Lato. Angios Nikolaos isch hüt e Tourischte Hotspot. Aber es isch o schön hie. I g’niesse mi chaut Tee a me wunderbare Ort.Kreta 2021

Am haubi sächsi, Sunne schynt immer no, fahre mer nach Elounda zrügg.

Kreta 2021

Kreta 2021 Kreta 2021

Es fein’s Znacht vom Büffee rundet dä Tag ab. O d Gseuschaft am Tisch isch ganz a g’nähn. 😊