26. November 2022 14:12

Altstetten, 8048 Zürich, Schweiz | 11°C

I bi wieder einisch ungerwäg’s. Ds Ischlafe nächti isch hueschtig g’si u hüt morge het der Hals weh ‹tah.

U Itz bi n i im Zug im Züri HB u es geit ganz guet dank Ricola. 😉

Bis dahäre ha n i wieder einisch miner Mitfahrende beobachtet u mir mi Sach dänkt. Ds Glück het’s wölle, dass i i me Familiewage g’landet bi. Mit mir si zwo Stadtbärnere (Muetter Tochter) i g’stige, wo sech durend g’stört g’füehlt hei. «Schliessli sig das doch e Familiewage!» Ihre Störzu cha eim fasch chley leid tue. E Bitz Haar uf de Zähn. Nu ja…

Der Näbu ungerwäg’s isch zytwys dick. Es winterlet i der Schwiz. De gah n i doch – i hoffe, i göng der Sunne e gäge.

Flughafe, viel Wägwyser, aber dä , wo me bruchti fählt. Check-in 2, Reihe 3: g’funde! (Nume ds Online-Ireisformular fählt. Aber das isch o schnäll us g’füllt.) Gate D34: Nu ja, chley loufe, aber i finge’s o!  De warte. Werum muess me so früech i-checke?

Mi Sitz isch g’rad näbe’m Notusgang. Isch das itz es guet’s Zeiche (?) – i chönnt ömu de use.

So, itz geit es zersch uf Gänf. De isch es äuä de verby mi freie Sitzplätz. 14.20h isch Abflug.

Nünezwänzg bewegt sech die Flugere es erscht’s Mal. Dreiedriisg faht si de a fahre u vierzg faht der Start a. 👍

15.15h lande mer ds Gänf (Geneva International Airport).

Sächzäh null föif si d Passaschier, wo nach Gänf hei wölle dusse, die lääre Sitze si putzt, g’stoubsugeret (ei Sach) u die nöie Passagiere si dinne. Zäh ab bewegt’s sech. Zwölf Minute später si mer geng no em fahre (i gloube mer si i me Fahrzüg😉) Aber de.👍