7. Dezember 2022 07:39

40،، Amman, Jordanien | 9°C

D Swisscom het ds G’füehl g’ha, si müesse d Zueleitig zum Huus a der Houptstrass 95 ds Rapperswil nöi mache. Derzue isch o der Router nöi bespielt worde u alli miner Istellige si der Bach dürab.

Am Morge starte n ig am Tote Meer. Scho am füfi muess ig ufstah, am sächsi git’s Zmorge u am sibni fahrt r Bus. Mer holpere d Strass gäge Amman zue, wieder mit em glyche Fahrer u em Füehrer wie vor zwe Tag. Wär ig i der Schwiz, wär’s zwe Stund speter.

Im Flughafe chöme mer g’rad äberächt a. Zersch ichecke, de dür d Usreisekontrolle, de dür d Sicherheitskontrolle u dernah warte. So um die zähne chöi mer a Bord u gäg die elfe flüge mer ab. Der Flug isch nüt spektakulärs.

De git es wieder e Zwüschestopp in Gänf u vo da bis Züri. Mer lande em zäh ab drüü, – Passkontrolle – Gepäck hole – und uf e Zug 15.48h. Züri umstige, de gäge Bärn umstige u bis Buchsi u vo da bis Rappsi.

Bi wieder daheim u no ha no chley Müehi mit de Tämperature.