12. November 2023 02:42
678-2 Ōmandokorochō, Shimogyo Ward, Kyoto, 600-8413, Japan | 12°C
Konnichiwa! 🗾
🌍 Trip Übersicht:
| Wenn: | 12.11.23 |
| Wo: | Japan |
| Tag: | 9 vo 16 |
| Veranstalter: | Tourasia |
🏨 Ungerkunft (Hotel / AirBNB / Hostel)
| Name: | Daiwa Roynet Kyoto Shijo Karasuma |
| Ort: | 678 Omandakorocho, Shimogyo Ward, Kyoto, 600-8413 |
👁️Erschte Idruck:
Vieli Japanerinne u Japaner luege ärnsch, fasch sträng us der Wösch. Ds Wätter passt derzue.
👜 G’machti Sache
Pressiere zum mit em Bus zum Bahnhof.
👀 G’sehni Sache
E wunderbari Bahnhofhalle
🍽️ G’gässni Sache
Brötli u Gipfeli am Bahnhof vo Kanazawa. E Pizza Margherita zum Znacht.
🗓️ Der hütig Tag verzellt mit zäh Bildeli
 |  |  |  |  |
 |  |  |  |  |
Nöie Morge nöis Glück. Mi Vercheltig het sech e Bitz g’leit.
I der Nacht het ds Programm g’änderet. Me tuet hüt nid zersch d Goffere verschicke, – me tuet em halbi nüni abreise, ohni Zmorge. (Ds Hotäl het zweni Personal.) Am Morge cha me nümm mache, me muess jedes Gepäckstück genauschtens vermässe.
Guet halt, de nime i mi Riesegoffere mit i Zug. Aber zersch geit es mit em Bus zum Bagnhof. Äng isch nume ds Vorwort. Dert muess i afe winisch öppis ässe. Bim französische Boulanger git es Gipfeli u Brötli u n es Gaffee derzue.
Zähni füfefierzh geit es uf e Bahnsteig u de uf e reserviert Platz im Zug.. Ds Zugfahre in Japan isch no so bequem. Es het Zwöiersitze wo nach füre orientiert si u me het g’nue Platz. Schpeter stelle mer de aber fescht, dass sech die Sitzreihe o löh la drähie, de g’seh d Wäge us wie die vo der SBB.
