11. November 2023 08:57
Japan, 〒920-0838 Ishikawa, Kanazawa, Kannonmachi, 1-chōme−１−４ | 12°C
Konnichiwa! 🗾
🌍 Trip Übersicht:
| Wenn: | 11.11.23 |
| Wo: | Japan |
| Tag: | 8 vo 16 |
| Veranstalter: | Tourasia |
🏨 Ungerkunft (Hotel / AirBNB / Hostel)
| Name: | Tokyu Stay Kanazawa |
| Ort: | 4-50 Minamicho, Kanazawa, Ishikawa 920-0919, Japan |
👁️Erschte Idruck:
Es rägelet – meh oder weniger gäng chley. Schad!
👜 G’machti Sache
E Dusche i me japanische Peivathus isch so ne Sach.
👀 G’sehni Sache
Die b’suechte traditionnell villages si i drücklech g’sy.
🍽️ G’gässni Sache
Es Zmorge, wo japanisch isch g’sy. Der bratnig Fisch u d Eier ha m ig verschmäht. Es isch ganz guet g’sy.
🗓️ Der hütig Tag verzellt mit zäh Bildeli
 |  |  |  |  |
 |  |  |  |  |
Tja, i b’halte mis Bett. I ha zwar gar nid schlächt g’schlafe, trotzdäm, mis Bett isch mer lieber.
D Douche isch es chlyses Abentüür. I ha es blaus u n es violetts Tüechli (meine n i) i mim Zimmer. Ds violette isch dicker, also nimm i das mit. I ds Bad. Wo n i de düschelet ha g’ha u mi ha wölle abtröchne isch das Tüechli e Art z churz g’gratne Badmantel wo sech zum Tröchne gar mid eignet. Also miner Sache zämeraffe u hoffe, dass mi niemer g’seht, we n ig dür ds Huus flitze.
Nach däm Morgeritual ha n i no g’nue Zyt für use z gah. Es rägnet geng no, i bi öppe e gueti halb Stung ungerwägs.
Nach em Zrüggcho geit es nume churzi Zyt u d Schlummermuetter rüeft zum Zmorge. Usgezeichnet het sie wieder g’chochet.
Em haubi nüni fahre mer zu me zweite ‹traditionnel village› nach Ainokura. No chlyner, no ländlecher.
Der Wäg bis Kanazawa isch zwar landschaftlech schön, aber läng. Gäge Mittag si mer dert. Zmittagässe tüe mer aber ersch em zwöi. Zersch.b’sueche mer der Kenrouken Garden.a Ds isch e typisch japanische Park. Dä isch in 1 Kenrokumachi, Kanazawa, Ishikawa 920-0936, Japan. Vielb’suecht für nes Föteli zmache vor der «zwöibeinige Latärne».
I der Stadt unge gög mer i ne Märit iche, dert git es Riiscripers u ne Kafi. Mer stige de i Car u der Schofför fahrt mit is i ne Geishaschuel. Es isch e ualte B’rief aber i weiss gäng no nid öb da drann öppis üositivs ich. Mit em Car geit es nachhär zum Hotäl. De isch es aber scho füfi g’sy. I verabschide mi vom g’meinsame Nachtässe. I mache no chley Büro u gah dernah i ds Bett.
