10. November 2023 23:56
80 Kamininomachi, 上二之町 高山市 岐阜県 506-0845, Japan | 10°C
Konnichiwa! 🗾
🌍 Trip Übersicht:
| Wenn: | 10.11.23 |
| Wo: | Japan |
| Tag: | 7 vo 16 |
| Veranstalter: | Tourasia |
🏨 Ungerkunft (Hotel / AirBNB / Hostel)
| Name: | Privatunterkunft Minshuku in Shirakawa |
| Ort: | Shirakawa-gō oder Gokayama |
👁️Erschte Idruck:
Es isch chüeler u rägelet. Der ganz Tag isch trüeb u grau
👜 G’machti Sache
E chlyne Spaziergang in Takayama. I der Gruppe b’sueche mer Takayama Matsuri Yatai Kaikan. Das isch es Museeum, wo jährlech die heilie Schreine usegholt wärde. Mehreri Gäng dür d Dörfer Shirakawa-gō und Gokayama
👀 G’sehni Sache
Schöni, alti Hüser. Sehr viel Handwärch us Holz. Es isch aber ganz schwärz säge, ob die Sache us Japan chöme.
In Shirakawa-gō und Gokayama ganz alti Hüser.
🍽️ G’gässni Sache
Es japanisches Zmorge mit Suppe, Riis u me Böxli voll tolli Sache: chley Ei, chley Böhnli, chley Fisch und und und
Cheescake u zum Znacht es vollständig’s Menü (o mit Sache wo n ig nid isse)
🗓️ Der hütig Tag verzellt mit zäh Bildeli
 |  |  |  |  |
 |  |  |  |  |
G’schlafe ha n i gar nid schlächt. Obschon mis Zimmer gäge d Strass use luegt, es het ke Verchehr g’ha. I gah em halbi siebni chley use gah loufe. Es rägelet, ganz fiin. Später tuet’s no e Bitz meh. Zrügggah n i zum Zmorge. I bi der erscht vo der Gruppe. Aber die chöme o. Eine vermisst ds Brot zum Zmorge, angeri wei d Stüehl umruume…
Em nüni starte mer zum B’suech vom Takayama Matsuri Yatai Kaikan. Das Huus isch i me heilige Bezirk es Museeum u da holt me die bewegleche Schreine use. Einisch im Jahr wärde si dür d Ortschaft treit. Der Shintoismus isch mit em Buddismus zäme die Religion in Japan. Teilwys si die zwee Gloube o mitenand verschmolze.
Der Shinto-Gloube isch e Naturrelicion. Entsprächend het es überall, o i der Natur usse Shinto Schreine. Hie in Tanaka wärde si einisch im Jahr zu de Lüt b’bracht.
Der Vormittag düre tüe mer no lädele, luege die alte Hüser a u b’sueche Sake-Brauereie.
Zum Zmittag git es Cheesecake, wil d Beiz nüt andersch fleischloses git. Nachhär dümple mer bis em zwöi dür d Lädeli.
Vom Woodhotäl us fahre mer de uf ds Land. Ds Ziel si zwöi chlyny Dörfli Shirakawa-gō und Gokayama. Dert het es uralti, mit Schilf deckti Hüser. I eim vo dene wirde n i übernachte. Da isch de nüt vo weschtlechem Bett. Mi Ruum g’seht ziemli läär us. Währed dere Zyt, wo m ig bim Znaht sitze, wird ds Bett vüreg’ruhmrg. Ds Ässe isch aehr guet , wie ds ‹Bett› isch, wird me g@dej.
