9. November 2023 03:11
4436 Misakachō Kamikurokoma, Fuefuki, Yamanashi 406-0813, Japan | 14°C
Konnichiwa! 🗾
🌍 Trip Übersicht:
| Wenn: | 09.11.23 |
| Wo: | Japan |
| Tag: | 6 vo 16 |
| Veranstalter: | Tourasia |
🏨 Ungerkunft (Hotel / AirBNB / Hostel)
| Name: | Wood Hotel, Takayama |
| Ort: | 4436 Misakachō Kamikurokoma, Fuefuki, Yamanashi 406-0813, Japan |
👁️Erschte Idruck:
Herrjeh, der Fuji, es isch ei Sach um dä Bärg. Längi Carfahrte si müehsam.
👜 G’machti Sache
Es Tüürli vor em Zmorge um ds Hotälgrundstück, e längi Outofahrt u gänggelet. E churze Spaziergang dür Takayama.
👀 G’sehni Sache
Der Fuji, – immer wieder. Sehr schöni Wälder u Hüser in Takayama. Ds Wood Hotäl isch e tolli Ungerkunft.
🍽️ G’gässni Sache
Es Zmorge, mit Müesli u Joghurt, Frücht u Schnitteli u zöi guete Kafi.
🗓️ Der hütig Tag verzellt mit zäh Bildeli
 |
 |
 |
 |
 |
 |
 |
 |
 |
 |
Zmorge git es ersch em halbi achti. Drum sttarte ig afe einisch zu me Rundeli z Fuess. Zersch dür e Afang vom Golfplatz, de queerfeldwinuum See ache u .it chley Trödle zrügg zum Hotäligang.
Ds Zmorge isch besser als geschter Znacht. Fisch isch ja scho guet, aber i füf Gäng, roh, ‹brate, g’chochet, ‹dämpft u i der Suppe … na ja.
I ha derfür hüt es weschlech’s Zmorge useg’läse.
Emhalbi nüni fahre mer mit em Bus zum Fuji-Museeum. Dert mache mer o no einisch Föteli vo n ihm. Nachhär übere, zu eim vo de Fujisee e. Vo dert loufe mer zur Fujibrügg u fötele der Bärg. 😉
Mer fahre um e See ume, zum chley gah gänggele. I der Sasuga Pharmacy finge n i äppis für e Hals. D Japanerinne si scho eiget mit ihr e Hünd.
So u itz geit es uf der Outobahn gäge Norde o Japan. D Stadt heisst Taka Jama. Der Wäg isch wyt u der Reiseleiter fasset d G’schicht vo Japan i vier Epoche zäme.D Früeehzyt, d Cheiserzyt wo sech a China orientiert, d Shogunzyt, wo me sech nach länge Chriege im Landesinnere abschottet vom Uslamd u de no d Nöizyt.
Mer fahre wie g’stoche dür die Täler, Päss u Schluchte. Der Winter steit i de japanische Alpe vor der Tür. Teilwys is h ds farbige Loub scho am Bode.
So um die viere chöme mer in Takayama a. Vor em Nachtässe längt es no zum e Spaziergang z mache.
