8. November 2023 23:11
2-chōme-17-8 Kaminarimon, Taito City, Tokyo 111-0034, Japan | 18°C
Konnichiwa! 🗾
🌍 Trip Übersicht:
| Wenn: | 08.11.23 |
| Wo: | Japan |
| Tag: | 5 vo 16 |
| Veranstalter: | Tourasia |
🏨 Ungerkunft (Hotel / AirBNB / Hostel)
| Name: | Fuji View Hotel |
| Ort: | 511 Katsuyama, Fujikawaguchiko-machi, Yamanashi, 401-0310, Japan |
👁️Erschte Idruck:
Wunderbar sunnig u guet g’schlafe.
👜 G’machti Sache
Weni Bewegig im Car. E chlyni Bärgbestigig in Owakudani, e churze Spaziergang zu de dampfende Löcher, e grosse im Skulpturepark
👀 G’sehni Sache
Viel Kunscht vom Picasso, der Niki de Saint Phall, em Henry Moor usw. Der heilig Bärg, Fuji-San – dür Wulche u am Abe.
🍽️ G’gässni Sache
Toast mit Ei u de e längi Pouse.
🗓️ Der hütig Tag verzellt mit füf Bildeli
 |  |  |  |  |
 |  |  |  |  |
Letschte Tag in Tokio, tja schad. Es würde no Bärge vo Erfahrige warte, wo m ig no nid g’macht ha. Mit der Erkenntnis, dass ‹ds Ganze› nie drinn liegt u me derfür ‹d Uswahl›, ds Versuecherli voll schetze söll, fah ig dä Tag a.
Dusse isch scho voll Betrieb; – d Nachbarin vo gägeüber het scho öppis nah de sächse Wösch uf em Dach ufg’hänkt.
Mer fahre wyter, us der Stadt Tokyo use u bim alte Fernsehturm verby. Ds nächschte Hotäl steit nach bim Fuji-san. Fujijama isch eigetli e Übersetzigsfähler vo de Europäer.
Us em Izugsgebiet vo Tokyo use, isch me scho fasch uf em Land. Mer überquere der Yamabushi Pass i der Hoffnig der Fuji chönne z fötele. D Wulche hei aber öppis dergäge, nume der Spitz luegt use.
Mer fahre wyter u chöme nach Owakudani. E wytere Bärübergang wo zeigt wie dass es im Ungergrund vo Japan tuet. Es stinkt nach Schwäfel u dampfet us em Bode. Vulkanismus isch in Japan verbreitet (Fukushima lässt grüssen).
Uf em Wäg gäge Fuji zue halte mer bim Hakone-Open-Air-Museum. Es isch e grandiosi Usstellig wo mer da g’seh.
Speter g’lingt de sogar no es Föteli vom heilige Bärg. In Gotemba halte .er vor em Inachte no churz a.
