6. November 2023 23:18

2-chōme-14-8 Kaminarimon, Taito City, Tokyo 111-0034, Japan | 20°C

Konnichiwa! 🗾

👁️Ersche Idruck:
Tja, em vieri wach g’sy. Tokyo brucht jede Fläcke. Was isch vegetarisch?

👜 G’machti Sache
Bim Cheiserpalascht verby zum Sushikurs.

👀 G’sehni Sache
Chifere statt Hüser u Lüt.

🍽️ G’gässni Sache
Zum Zmorge so n es g’häckerlet’s Ei uf me Toast, mit so chley Rättech. 😋

🗓️ Der hütig Tag verzellt mit füf Bildeli

Em Viertel vor siebni gah n ig zum Zmorge i drizäht Stock. Es isch e tolli Erfahrig.

Em halbi nüniisch Abfahrt mit em Car. Mer fahre dür d Stadt zum ‹Cheiserpalascht‹.D Stadtoutobahn füehrt üs im Schwick dert häre.

Ganz Tokio isch rund vierhundert Jahr alt. Vorhär isch da es Fischerdorf g’sy u zwar uf sumpfigem G’länd. E Grossteil vo Tokio steit no hüt uf Schlamm u Schlick. Das is h e wahnsinnig geossi Useforderig für ds Boue.

D Stadtoutobahnisch i me ehemalige Endqässwrungskanal b’boue, uf drei Etage.

Vom Cheiserpalascht g’seht me nümm viel, dä isch us Holz g’sy u verbrönnt. Derfür isch ds G’länd eine vo drü Pärk in Tokyo. Das tuet, bi dene Masse vo Outo, der Luft nid schlächt.

Mer mache e churze Rundgang u fahre de wyter.

Die nächschti Station isch der Sushikurs. Mer lehre Riis, Fisch u Washabi zu me Röueli z forme u b’erchöme es es Zertifikat. Henusode

So, itz wächsle mer zum Meiji-Schrein u es wird mystisch. Der Igang isch es grosses Portal. Derhinder git es aber no zwöi wyteri Tor, wo zum Heiligschte füehre. Dä Schrein isch uf Spände a g’wise: am Wäg si d Sakefässer vo Brauereie wo da dermit zeige, wieviel si g’spändet hei. (Donatoretafele).

Im innerschte Berich het es meh Tourischte als Gläubegi. Mindeschtens einisch im Jahr pilgere d Japaner da häre u tüe ihri religiösi Pflicht.

Chley eigenartig düecht mi, dass o Outo g’sägnet wwärde.

Aber äbe, der Shintoismus isch für irdes hi Belange zueatändig. Für alles wo nahhär chunnnt, git es der Buddhismus.