4. & 5. November 2023 11:10

1-1 Furugome, Narita, Chiba 286-0104, Japan | 19°C

Konnichiwa! 🗾

👁️Ersche Idruck:
Chalt u trüeb i der Schwiz, rächt

👜 G’machti Sache
Riite im Outo, Zug u Flugzüüg

👀 G’sehni Sache
Vieli Lüt, ds Buchsi, ds Bärn, ds Züri, ds Dubai, ds Narita, ds Tokyo

🍽️ G’gässni Sache (trunk’ni o)
Zmorge daheim / E dopplete Espresso u es Wasser/ es Hüeherg’schnätzlet’s u Riis / es Omlett mit Riis u so öppis wie G’mües, / Riis u Sosse / hüt Znacht e Rieseuswahl mit Fisch, G’mües, Tamplings, Salat und und und

🗓️ Der hütig Tag verzellt mit zäh Bildeli

Dä faht am sibni a. Ha o e ganzi Reihe vo Sache z mache. Der G’hüder, der Komposcht, d Heizig … Der Hansruedi chunnt z früech, aber itze. Ds Buchsi triffe n i e junge Italiäner, oder äbe ‹zweiti Generation›. Är het es ‹B’richti-Bedürfnis. Schaffe tuet er i der Gewa, het IV u verzellt vo sine Sorge.

So geit d Zyt verby, – fahre uf Bärn u warte wieder. E halb Stund später fahr i gäge Züri.

So, i bi im Flughafe, ichecheck-sicherheits- u passkontrolliert. Die nächschti Hürde isch fs Istige. Duss isch gruusig.

( Für nach Japan i z reise sött me es Ireiseformular usfülle, mit em Ergäbnis, dass es e QR sött gäh. I ha kene b’ercho. Da derfür het d Frou bim Ichecke kes Verständnis g’ha. Si het mi zu me spezielle Schalter g’schickt. Zwöi jungi Froue hei mit viel Witz g’hulfe. Es het aber 50 Franke g’choschtet. 😏. Der tourasia-Begleiter het später g’meint, das wär gar nid nötig g’sy. Es heig dä QR-Code o nid. ❓)

Halbi vieri mer si geng no in Züri. Wahrschynlech isch ds Wätter tschuld. Aber ‹är› bewegt sech.

Ja de isch es geng no zäh Minute g,gange, am Bode. Itz flüge mer, mal luege.

Der Flug isch de mängisch waggelig, aber mer chöme a. Zmitts i der Nacht hocke n i wieder einisch in Dubai. Dä Flughafe isch e Moloch u mir nid b’sundersch sympathisch. Jänu so de, Em zwöi füfefüfzg geit es wyter.

19.00h mer si uf em Flughafe Tokyo. Es grosses G’wusel u gaaanz viel Kontrolle. U mit jedem Formulärli muess o der Pass zeigt wärde. U mi QR-Zettel, tja, dä ha n i no nid b’brucht. 😜

I der Zwüschezyt isch d Gruppe zäme cho, mer si i me Bus g’landet u fahre itz i ds Hotäl.

Der Flughafe Tokio-Narita isch ziemli ewäg vo der Stadt. Knapp achzg Kilometer fahre mer. Tokyo het öppe zwölf Millione Iwohner. Vo u mit der Stadt läbe rund 35 Mimlione! E Bitz andersch als bi üs.

Uf die Nüne göh mer i re «Iheimischebeiz» gah ässe. Der Eifachheit halber b’stellt der Reiseleiter. Die Ässware chöme uf e Tisch u jedes chah näh, was es wott. Wunderbar! I läbe guet.

So uf die elfe

Uii, itz muess i aber pressiere, dass es no e B’richt git vo zwene Tag. Villicht isch die nöii Form e Erliechterig. 😉