16. November 2023 01:17

5-6 Onouemachi, Nagasaki, 850-0058, Japan | 12°C

Konnichiwa! 🗾

🌍 Trip Übersicht:

🏨 Ungerkunft    (Hotel / AirBNB / Hostel)

👁️Erschte Idruck:
Über Hiroshima geit d Sunne o uf. Mer wächsle wieder der Übernachtigsort.

Am Abe rägnet’s.

👜 G’machti Sache
Es nöis Uhrebändeli g’chouft!

👀 G’sehni Sache
Vo mim Zimmer us g’seh n ig uf e Bahnhof: wieviel Züg da verchehre.

Am Abe isch de das scho wieder andersch.

🍽️ G’gässni Sache
Im Hotel in Hiroshima het es es toll’s Zmorgebüffee. Zum Zmittag git es zwöi Pilzbrötli u ne Art Zimtschnägg. Am Abe mälde mi vom Fleischfondue ab. Mit der Margrith lande n i de i me Lade i der Rail Station u später zu me Kafi i der Lobby. (Inkl. Dessär)

🗓️ Der hütig Tag verzellt mit zäh Bildeli

Früeche Morge in Hiroshima. I stah wieder am sächsi uf, das het sech bewährt. Am halbi sibni isch de Zyt für Zmorge:toll! De ha n i alli Zyt co der Wält, z packe. Mer wächsle wieder. Am Viertel ab nüni isch uschecket i der Lobby. Mer fahre hüt wieder Zug.Zersch Shinkansen, denn e Regionalzug, denn wieder Shinkansen. Ziel isch, vo Hiroshima bis Nagasaki z cho.

Es isch erstunlech, dass d Regionalzüg so ne chlapperige Idruck mache. Wahrschynlech fliesse der Grossteil vo de Mittel i Shinkansen. Übrigens, dass zwüschedüre d Shinkansenlinie ungerbroche isch, hanget mit der entsprächende Bezieksregierig zäme, wo ke so nöii Zuglinie het i ihrem Bezirk wölle.

Mer chöme de o in Nagasaki a. Ds Hotäl isch wieder näbem Bahnhof. Vo dert mache mer e Transfer mit em Tram.

Mer göh i Clover Garden. Das isch e Art Freiliechtmuseum uf me Hoger näbe Nagasaki. Hie si alti Hüser, zum Teil vo angerne Orte i der Stadt, ufg’stellt worde. Die Boute hei i der G’schicht vo der Stadt e Rolle g’spielt u si zum Teil vo Ängländer b’boue worde.

Me het e tolle Usblick über d Stadt, i d Hafealag ache u über die ganzi Bucht.

Uf e Abe häre rössle mer wieder mit de Tram zrügg.

Ig blube am Abe im Hotäl, mache de Büro u gah i ds Bett.