15. November 2023 00:19
12-1 Wakakusachō, Higashi Ward, Hiroshima, 732-0053, Japan | 9°C
Konnichiwa! 🗾
🌍 Trip Übersicht:
| Wenn: | 15.11.23 |
| Wo: | Japan |
| Tag: | 12 vo 16 |
| Veranstalter: | Tourasia |
🏨 Ungerkunft (Hotel / AirBNB / Hostel)
| Name: | Sheraton Grand Hiroshima |
| Ort: | 12-1 Wakakusachō, Higashi Ward, Hiroshima, 732-0053, Japan |
👁️Erschte Idruck:
Alles geit sehr schnäll mit em Shinkanse.
👜 G’machti Sache
D Burg vo me Mogul ds Himeji b’suecht.
👀 G’sehni Sache
D Burg – Alag isch riesig, -b’sungersch will si nie bewohnt worde isch. D Bahnstatione vom Shinkanse si das o, aber voll Lüt.
🍽️ G’gässni Sache
Es halb’s Bento Böxli. Okonomiyaki (Kohl und Ei gebraten auf Teig)
🗓️ Der hütig Tag verzellt mit zäh Bildeli
 |
 |
 |
 |
 |
 |
 |
 |
 |
 |
Packe isch a g’seit. Mi Morge isch wie gäng. Ufstah, zmörgele, umeblöterle.
Am nüni geit es i der Lobby wyter. Uschecke tuet me mit em Outomat. Mit der UBahn geit es zum Bahnhof. Riesig! Der Shinkansezug bringt üs i Richtig Hiroshima.
Shinkanse si Japans Hochg’schwindigkeitszüg, wo mit über 200km/h dür d Landschaft bruse. Zum Rite si si sehr bequem. Me het viel Platz. D Planig vo dene Verbindige het Ändi Drissgerjahr a g’fange, mit em Bou faht me de aber i de Füfzgerjahr a. Drum si e Teil vo dene Züg scho e Bitz i d Jahr cho.
Uf üsere Reis si die erschte zwe Shikansezüg nöi g’sii. Der dritt het inne so ne plüschige Idruck g’macht, so Siebezger-, Achzigerjahr. All si aber sehr g’schwing ungerwäg’s g’sii.
Ds Himeji mache mer e Zwüschestopp u b’sueche d Burg. Es isch e riesegi Alag, wo me scho vom Bahnhof us g’seht. Dass mer schnäll si, nähme mer ds Taxi. Denn erstürme mer die Alag uf em Hoger.
Vor Jahre ha n i scho e Film g’seh uber die Reiherburg. Drum verzichte ig druf, iche z gah. I dere ganze Alag het nie öpper g’läbt u g’wohnt. Sie isch nume erbout worde «für den Angriffsfall». Drum si d Rüüm o hüt no läär.
Zu der Bahnstation louft me individuell zrügg.
D Wyterfahrt bis Hyroshima geit mit em Zug, wo wie es älters h Wohnzimmer usg’seht. Er isch aber glych verlässlech u bequem wie die nöie Züg.
Me lande also ds Hiroshima. G’rad näbem Bahnhof isch ds Sheraton, es ganz nobels Hotäl. Da loschiere mer für ei Nacht.
Uf die Viere b’sueche mer ds Erinnerigsmuseum u der derzueg’hörig Park. (I schribe später da drüber). Zum Abschluss fahre. mer i d Innestadt. Ds Ziel heisdt Okonomimura (Okonomi Village). Dert git es e ganz spezielle Food. (l schribe später da drüber)
