12. August 2022 14:40

Koskelantie 65, 99870 Inari, Finnland | 14°C

Ja, u de isch plötzli Friti. Nach em Zmorge fahre mer zu re Rentierfarm. Rentierfarm Inarin porofarmi, Kittiläntie 1439, 99870 Inari, Finnlan

Mer hei dert e Füehrig vom B’sitzer u sire Frou. Die zwöi mache das toll,  üs d Samikultur z erkläree. Vom Rentierfuettere über ds ‹Lassowärfe› bis zum Samikafi un em Shop isch alles unbegriffe. I finge› s guet, dene Tier so nach z cho u derzue e Schübu Informatione z lose. Die ganzi Gruppe isch begeischteret vo däm B’suech.

Uf die zwölfe si mer wieder zrügg u göh de no für anderthalb Stund i ds Samimuseeum.

E ganz interessante Ort. Die ganzi Samikultur wird i verschiedene Teile darg’stellt. D G’schicht, d Umwält, d Kultur, aber o d Geografie u der Ifluss, wo die uf d Mönsche het.

De Sami geit es, wie allne Indigene. Es het mal e Zyt g’gäh, u das isch ño gae nid so lang här, da het der Staat versüecht, das ‹Wilde› z umterdrücke. D Sprach z Bischpiu het mümm dörfe g’redt wärde. Eigetli ganz verruckt, we me weiss, dass d Sami scho lang vor de Finne hie i dene Gebiet g’läbt hei.

Hüt wird d Kultur vom Staat g’förderet: eigeti Schuel, eiget’s Parlamänt, e g’wüssi Outonomie usw.

Das gilt aber nume für Finnland, Schwede u Norwege. Wie das in Russland geit, cha me nume ahne. 🤔

Na däm Museeumsb’suech git es Zmittag u später fahre mer zum Flughafe in Ivalo. Mit ere Zwüschelandig z Kittilä flüge mer bis Helsinki.

Öppis nah de Zähne si mer im Hotäl. Nach em Itschecke si de g’ly alli im Zimmer u wäg. 😀