11. August 2022 09:32

Inari, Finnland | 16°C

Ig bi em füfi ufg’stande: nützt alles nüt, ÄR het es Eigeläbe , i muess mache, was i no cha.

Em sibni git es Zmorge. E tolli Uswahl, wo eim da bote wird.

Em halbi nüni mache mer is uf w Wäg zum Bootsstäg. Bis am elfi si mer mit eme Katamaran uf em Inarisee. Eigetli hätte mer uf d Opferinsle wöue. Der Luft (u die fählendi Töifi) macht’s aber unmügli, a Land z gah. Drum mache mer eifach e Bootstour, – u das isch o schön. Me het de so richtig Zyt, a Bug, a ds Heck, unger u obe oder o dinne z stah, z höckle, z b’richte. Mir si ja allei uf e mi Boot. Toll!

Am elfi si mer zrügg. Nach ere churze Lädelete loufe mer em Fluss Juutuanjoki nah gäge ?? Weschte. Us der Situation use, dass mer die planeti Tagestour nid hei chönne mache.

Bi re Schutzhütte tüe mer Zmittag ässe. E Teil tuet brätle un ig läbe guet mit eme griechische Salat.

Mitti Nami loufe mer de es Stücki zrügg, überquere der Joki uf eere Seilbrügg ubchöme de zum Hotäl.
Em achti git es Znacht u dernah wartet ds Bett.