10. August 2022 12:43

8:12  Saarikoskentie 2, 99870 Inari, Finnland | 16°C

We me öppis Nöis wott g’seh, muess me wyter. Z Fuess geit das ehnder müehsam. Mit em Bus bequemer u schneller.

Hüt geit es mit em grosse Bus vo Ruka bis Inari. (316 Kilometer) Da tuet eim ds Hinterteil vom Hocke weh.

Bim Arcric Circle vwranstalter d Anne, d Reiseleitere, e chlyne ‹Gedänkufenthalt›. Na ja. Mer stige wieder i u fahre wyter.

Ds Kemijärvi het es e Raststätt u mir mache Kafihalt. Dä isch erstunlech guet u ds WC isch suber. 😊 E grosse Teil vo dere Fahrt verbringe ig i «Morpheus Arme». Der Himmu isch grau, d Fahrt nid so spektäkulär, also …

Zwüschedüre git es e chlyne Ufruehr, wenn wieder einisch es Ren, oder e Renfamilie uf der Strass steit. De wird g’fötelet wie wild. I verwütsche meischtens nume die hingeri Hälfti. 😏

Unterwägs stige mer uf me Schiibärg us, em Kaunispään Huippu Oy. Bärg isch viel g’seit. E grössere Hügel mit ere wahnsinnige Infrastruktur zum übernachte, meh isch da nid.

In Sodankylä halte mer wieder u göh eini vo de älteschte Chilche gah aluege. D Wältchriege hei in Finnland derzue g’füehrt, dass d Dörfer rübis u stübis si abbrönnt worde. Die Dütsche hei alles a zündet. Dertür hei d Finne die uralti Kultur total verlore. D Hüser si alli relativ modern, amerikanisch.

Kirkkotie 1, 99600 Sodankylä, Finnland | 16°C1

Pekka Kustula hat ein Bild für die Gemeinde Sodankylä gemacht Präsentation zum Jubiläumsjahr der alten und neuen Kirche 2019, denn Ich habe die alte Kirche 330 Jahre lang und die neue Kirche 160 Jahre lang geschaffen Jahre.

Er fotografierte die Kirchen der Gemeinde Sodankylä und
Friedhöfe für ein paar Jahre. Premiere der Fotoshow
war am 15.9.2019 im Gemeindehaus Sodankylä.

Die Sendung ist auf YouTube zu sehen unter:

https://www.youtube.com/watch?v=xp7MO3zoN60

Ja, un irgendeinisch lande mer ds Inari. Dert fahre mer zum Hotel Kultahofi. Toll, diräkt am Fluss. Ig mache mi de gly a das B’richtli. Nume, irgendwie geit d Bildbearbeitig nid. Der Webstore spinnt: aiiiii,!

Mi Absicht wird dürchrüzt; – de gah n i halt gah Znacht ässe. O nach wytere zwöi Stund bi n i geng no glych wyt. Nu de … 😡

18:12  Saarikoskentie 2, 99870 Inari, Finnland | 16°C

Mi Compi het Müehi mit de nördleche Breite. Er het der Nordkoller, oder so. I mache wieder B’richte, wenn’s ihm wieder besser geit. LG