8. August 2022 15:35

Myllykoskentie 33, 93850 Kuusamo, Finnland | 14°C

Hüt isch wieder, oh Wunder, g’wanderet worde. Der chly Bäretrail. Aber das isch eigetli nid so usschlaggäbend g’sy.

I dene Wälder z loufe, isch e Fröid!

Mir si wieder em nüni im Hotäl g’startet; – der Böss het üs zum Startpunkt b’racht u mir si losg’schuehnet.

Scho bal si mer zu re Mühli cho, eini vo wenige wo’s da gäh het. Driisg Jahr isch si brucht worde u de isch der Zuewäg doch z kompliziert worde. Itz wird si für Tourischte ungerhalte. Dernah het d Natur ds Szepter überno. Klar, der Wäg isch vo Möntsche g’macht, aber dernäbe isch Natur.