14. August 2022 18:42
Kaisaniemenkatu 7, 00100 Helsinki, Finnland | 22°C
Der hütig Tag het drei Teile g’ha: Sibelius, Seurasari u Oodi.
Sibelius
 |
 |
Zersch si mer zum Sibelus Park u Dänkmau g’gange. Das isch zwar i drücklech, – trotzdäm ha n i chley Müehi g’ha. Irgendwie hei mi die Röhre nid so überzügt. Aber itze, die G’sellschaft wo’s i Uftrag g’gäh het, wird sech öppis überleit ha. Äuä no meh dänkt het d Eila Hiltunen, wo das Dänkmal g’macht het.
Seurasari
Der zwöit wichtig Punkt hüt isch Seurasari g’si. Das isch ds «Ballebäeg» vo Finnland. Mer hei e dütschi Füehrig g’ha, da dertür het me viel meh verstande vo dere früechere finnische Kultur. Die Hüser wo dahäre züglet worde si, läbe zwar mit de Utensilie, – d Erzellig macht aber ds Bild ründer. U es isch o luschtig g’sy, däm finnische Dütsch zue z lose.
 |
 |
 |
 |
 |
 |
Übrigens rede rächt viel, vor allem älteri Finne dütsch. Das isch g’schichtlech bedingt u het nid nume positivi Site.
Oodi
 |
 |
 |
 |
 |
 |
 |
 |
 |
|
 |
 |
 |
 |
 |
 |
 |
 |
Der Höhepunkt vom hütige Tag isch der B’suech im Oodi g’sy.
Vo dere Biblothek, vo däm Arbeits-, Begägnigs- u Kunschtort wo ds Läbe vo de Finne ergänzt, ha n i scho viel g’gläse u Filme g’seh. Architektonisch isch das hie e Glanzpunkt u zeigt viel vo däm, wo d Finne usmacht u zfride macht. Ds Innere het vieli Arbeitsmüglechkeite, viel Besprächig’s u Grupperüüm, aber o viel Maschine, Computer, Drucker für Plaket, 3D, Laserplotter, Maschine für textili u techneschi Arbeite, Radiostudio, Videostudio, und und und … I cha gar nid alles ufzelle, was da de Mönsche zur Verfüegig g’stellt wird. (Alli Arbeitsumgäbige si mit eme Fotoverbot beleit.) Dernäbe het es e Bibliothek, wo umfassend Wüsse dokumäntiert, Spielumgäbige für jedi Altersstufe, was me cha usleihe git es hie; – u natürli mehreri Kafi u Reschturant.
Dernäbe ha n i o viel g’seh hüt, wo die drü Thema sprängt. Es isch e riiche Tag g’si.
