Wär i bi
D Website erreicht me unger «https://edis-internet-box.ch/wordpress
Ig bi der Edi, siebezgi u Räntner, – aber no ziemli ungernähmigsluschtig. Bis zu mire Pensionierig bi n i fasch nie zum Reise cho. De, – mit füfesächzgi, bi n i zersch Mal i me Flugzüüg g’hocket u a ds angere Ändi vo der Wält g’floge. G’luschtig g’macht hei mi zwe Semerkollege, wo bereit si g’si, mer dä Teil vo der Wält z zeige u mi Unerfahreheit i chouf z näh.
Kommentare
Bi g’wüssne Site u Biträg isch es mügli e Kommentar z schribe. Die Tägschte blibe uf em Sörver, – usserdäm wird o d IP-Adrässe vom Schribende g’spicheret. Da dertür probiere n ig mini Website vor SPAM z schütze.
E Zuegang zur Website cha nid erstellt wärde. Der Absänder wird aber erwähnt, we der Bitrag freig’schalte wird. Pärsönlechi Profilbilder wärde nid zueteilt.
Medie
Eigeti Föteli, oder ähnlechs chöi nid uecheg’lade wärde. Miner Bilder chöi acheg’lade wärde. Sie hei aber Wasserzeiche.
Cookies oder Chrömli
We der e Kommentar uf mir Website schribet, cha das es Iverständnis si, dass der Name, d Mailadrässe u d Website i me Cookie g’spicheret wird. Dermit wird es eifacher wyteri Kommentare z schribe.
We der nech a mäldet, fragt d Site nach me Cooki vo mir. Das hilft bi der nächschte A mäldig. Das «Chrömli» cha me lösche.
Mailadrässe
Ab em 20.3.25 cha me si Mailadrässe i der Siteleischte hingerlah. Da dermit registriert me sech als Abonnänt u überchunnt, we ne Bytrag g’spicheret wird, es Mail.