«Hola querida Suiza!»
Informe diario:
desde: 1.12.24
en: Tamarindo Dirià Beach Resort
una dos tres fotos del dia:
que vale la pena escribir:
D Täg, wo mer in Tamarundo si, schwinde. Irgendwie geit es rasend schnäll. Nu ja, mer si o scho es Zytli da .
Wie üblech, bi ni em sächsi i Pool. Wie üblech fählt am Schluss d Keycard u wie üblech finge se de am Bassinbode.
O ds Zmorge duuret wie üblech. I g’niesses, de Lüt zuezluege.
Uf die nüne gah n ig i ds Dorf. Es isch zwar Sunntig, aber e Teil vo de Läde hei offe. I finge e Supermärit wo n ig cha Zahnpaschta choufe. Nid wyt dernäbe het o ne ATM offe.
Für e Momänt bi n ig wunschlos zfriede.
Zum Abschluss gah n ig hüt i ds Meer. Ig u im Meer bade, das isch so e Sach. OK, wenn es nid angersch geit de mache n is, – aber nid b’sungersch gärn. Einersit’s spielt mer d Fantasie e Streich, we mer vorstelle, was da no alles mitschwadetet i däm Wasser, anderersits ha n ig im Meer fasch gäng es b’sungersch Glück.
Hüt het es im Wasser Felse. I ja natürli kener Wasserschueh ipackt u probiere mi düre z laviere. Es tischet mi, schlah der Fuess a u n es isch e nöie Nagu profilet. I blibe no öppe e Viertelstung im Wasser, aber es blüetet un i gah a d Reception u desinfiziere. Mi Bedarf a Meeresbade isch für hüt deckt.
Klar, dass ig am Mittag e Ananassaft bruche (es isch eine vo de letschte). Nachhär ga mi gah verarzte.
Bis am drü tribe mi em Strand ume, käfele, loufe em Meer nah, schläcke Glacé u choufe no es Paar nöii Badhose. 🩳
Am füfi mache mi uf e Wäg, der Sunneungergang gah z luege un uf die sibne hei mer abg’macht gah Znacht z ässe.
De muess i no dusche.
De muess i no packe.
De muess i no i checke.
Es git no viel z tüe, – aber itz lah mer zersch e Kafi use.
Mer g’seh üs. Hasta la vista!