«Hola querida Suiza!»

Informe diario:

  desde: 28.11.24

  en: Tamarindo Dirià Beach Resort

 fotos del dia:

que vale la pena escribir:

Uiii, i bi am Verfule:

Geschter ha n i ja nume öppis Clyn’s wölle znachte. Wo n ig em nüni erwachet bi, ha n ig es Hüngerli g’ha. I bi de zum Italiäner u ha ne Täller Spaghetti al Arrabiata g’no. Nachhär ha n i wunderbar pfuset bis hüt Morge em halbi sächsi.

De bi n i im Pool g’sy für ne halb Stung. Gäg die siebne si d «Brüllaffe» i de Böim näb em Hotäl aktiv g’sy u hei fasch all g’weckt.

Viertel nach siebni bi n i für anderthalb Stung im Zmorgeberiich g’sii, ha usprobieet u mit de angere b’brichtet.

Na de nüne isch es Grüppeli vo n is em Strand na ufbroche. I ha der Föteler mitg’no un es het e ganzi Reihe schöni Motiv g’ha. Mit b’richte u spaziere isch der Vormittag düre.

Bim Zrüggcho isch mer de e Ananassaft ag’loffe. Mer hei n ist ag’fründet.

Ds Mittagsschläfli het bis am halbi zwöi duuret. De bi n i wieder a Pool bis fasch am vieri. Schwümme – sünnele – schwümme – sünnele – s… äbe, bi am Verfule!

D Aktivitäte in Costa Rica si zytlech verschobe. We n ig am Morge, so nach de füfe jewils erwache, het es gäng scho Lüt wo am Schaffe sy. Hüt, wo n ig i Pool bi, hei d Gärtner scho lang i der Alag g’schaffet. Itze, es isch füfi, g’seht me niemer meh dusse schaffe. Der Pool isch o läär un es geit nid lang, de isch Fürabe. I zwänzg Minute isch Sunneungergang u de isch die i rund zwo Minute wäg. Nüt vo länge Aberötine u farbige Abestimmige, g’füehlt zack u wäg…

I ha d Föteli tischelet, d Kamera g’lade, der Bytrag vorbereitet…

No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.

Am sächsi gah n i mit angerne wieder zum Italiäner. Mir hei es wunderbar’s Ässe, es isch ungerhaltsam u guet.

So, itz gah n ig i ds Bett. Tschüss!