«Hola querida Suiza!»
Informe diario:
desde: 26.11.24
en: Fondavela Mountain Hotel Monteverde
fotos del dia:
que vale la pena escribir:
Hüt wär eigetli der letscht Tag vo mim Costa Rica Ufenthalt; – hätt i nid no e Verlängerig b’buechet.
Der Morge verlouft, wie scho anger Mörge: ufstah, zmörgele, vorbereite u abfahre.
Salvature Adventure Park heisst ds Ziel. In Monte Verde si die verschiedene Aktivitäte trennt. Uf der einte Site si meh d Biologe un uf der angere meh d Adventurer? Die Trennig hei scho d Quäker g’macht u wird witerg’füehrt.
Geschter hei mer e Wanderig im Biologeteil g’macht, hüt göh mer i dä Teil, wo meh Action bietet. Nu de, d Administration am Parkigang isch ömu ziemli gross, für dass nume eine wott gah ‹Seilbähnle›. O der ‹Gänggeliegge› het e beträchtlechi Grössi.
Um die nüne göh mer für ne Füehrig i ne Fuultieruffangstation. Da si luter Tier, wo nie meh chöi usg’wilderet wärde. Näbedrann isch g’rad ds Huus mit de Schmätterlinge, wo mer o no b’sueche.
Na de zähne göh mer wieder i Wald gah loufe. Üses Ziel si d ‹Hanging Bridges‹ hinger Monteverde. Die si moderner u g’seh o stabiler us als die in La Fortuna.
Mer lege die ganzi Brüggedistanz zrügg, spaziere, schlendere, g’niesse dä Gang höch über em Bode i de Boumwipfle. Me cha da viel besser abschetze, was alles uf Böim wachst. Biologe säge, uf me grosse Boum chöme hie rund tuusig tiereschi u pflanzlechi Läbesforme vor. De cha me oppe ermässe, wie biologisch riich so ne Näbelwald isch.
Der Klimawandel bedroht der Näbelwald in Costa Rica grundlegend. Scho itz het sech der Rhytmus vom Wätter, ds Klima veränderet. (die grosse Rägefäll hei u füehre grad itze zu Überschwemmige hie). Me seit, i driisg bis füfzg Jahr gäb es dä Wald so nümm.
No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.
Im Louf vom Nami fahre mer wieder zrügg i Richtig Hotäl. In Santa Elena lege mer no e Halt i zum Lädele i. So gäg die Viere si mer zrügg. I muess chley d Füess strecke, Büro mache u gaanz viel dänke…
Am Abe ässe mer no einisch fein. Morn geit es wyter.