«Hola querida Suiza!»

Informe diario:

  desde: 25.11.24

  en: Fondavela Mountain Hotel Monteverde

fotos del dia:

No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.

que vale la pena escribir:

Mer wächsle hüt wieder der Übernachtigsort. I re länge Fahrt geit es bis Monte Verde.

Em füfi wach, em sächsi ufstah, em siebni Zmorge ässe u em halbi nüni abfahre. Vom El Mirador wächsle mer zum Fontdavela. E diräkti Verbindig git es nid, drum fahre mer e grosse Umwäg. Es isch nid so der Hit. Mer fahre uf der Panamericana, der Interamerikanische Schnällstrass. Uf dere Outobahn si mer zwar schnäll, es isch aber o längwilig. Drum nicke im Bus e ganzi Reihe i. 😴 Ig o…

Nah öppis meh als der Hälfti chehre mer i. Im ‹Resturante Mi Finca› git es e Pouse. Der Wirt hie macht Wärbig mit Aras. Die läbe zwar frei, aber flüge nid furt. Schöni Tier!

Uf em Wäg nach Monte Verde fahre mer rund 1400 Meter i d Höchi. Da g’seht me o gäng wie wyter. Zyterwis isch d Sicht gäge Weschte wunderbar. Me g’seht ds Meer, u wie ds Land Hügeli um Hügel astigt.

Ungerwägs wächslet d Landschaft u d Vegetation. Hei mer in Tortuguero no Rägewald g’ha, isch das in Rincon de ls Vieja Trochewald g’gsy. Itz hie, in Monte Verde isch es wieder nass, hie isch es Näbelwald. Vom Pazifik här chöme grossi Mängine Wasser.

Monte Verde liegt i de Bärge, mer si itz uf 1450 Meter. Da stige o d Wulche, was viel Niederschläg bringt. D Sicht isch hüt o schlächt, es het zytewis Näbu u Wulche u isch zue.

Die Gäged hie erinneret chley a ds Ämmital. Der Napf wär ja o öppe so höch u Milchwirtschaft wird hie wie dert betribe.

In Monte Verde wärde mer vo me wunderbare Tukan begrüesst.

Anschliessend göh mer öppis ‹chlyns› zum Zmittag gah habere. Das Reschturant wird vo me Quäker betriebe. Nach Costa Rica si die 1948 cho, als Folg vo der Ufrüschtig vo der USA un em zwöite Wältchrieg. Quäker si Pazifische, will si der Militärdienscht verweigeret hei, het me se i ds G’fängnis g’steckt. Für däm chönne z entgah, hei si es Land g’suecht, wo n es ke Militär git. Drum si si nach Costa Rica cho.

Si betribe hie, meh oder weniger konservativ Landwirtschaft u sorge derfür, dass o milchwirtschaftlechi Produkt härg’stellt wärde. (Chäs, Joghurt, usw.)

Ds Zmittag isch guet u viel. I ha e Suppe (u es chunnt fasch e Schüssle) un e Wrap (u derzue chunnt no e Tällerete Pommfrit), derzue trinke n i e Chübu Mangosaft mit Joghurt.

Anschliessend göh mer i ds «Refugio National» für ne Stung i Näbuwald gah loufe. Allerdings faht es de a rägne, so dass es fasch meh Rägewald isch.

Na de viere geit es i ds Hotäl. Eigetli, für sech fur ds Znacht vorzbereite. I ha aber ke Hunger. Drum blib i im Hotäl u lah das Ässe us. De ha n i g’nue Zyt für Büro u so.

Guet Nacht