Costa Rica Teil 2

 

 

«Hola querida Suiza!»

Informe diario:

  desde: 24.11.24

  en: Buena Vista del Rincon

que vale la pena escribir:

Geschter isch chley e wilde Tag g’sy. Mer hei uf der Fahrt hie häre (Buena Vista Del Rincon Eco Adventure Park, Hotel & Spa) o no g’rad e Teil vom hütige Programm g’macht. Drum het der hütig Vormittag o scho wieder ke Programm.

No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.

I gah chley gah loufe u fötele obschon i hie i re Umgabig wär, wo nume so strotzt vor Angebot (Horseback riding, Zip Line, Water slide, usw. usw)  Ja nu, das isch alles nümm so für mi. I bi nümm zwänzgi u muess es o nümm si.

Für d Erläbnis uszglyche, hie paar Informatione zu Costa Rica: (vom Otto)

  • Das Land het öppe 5 Millione Iwohner u e Million Usländer. Es isch chley grösser als d Schwiz u het rund d Hälfti Iwohner pro km².
  • Im Norde gränzt es a Nicaragua, im Süde a Panama, im Weschte isch der Pazifik u im Oschte der Atlantik, bzw. d Karibik.
  • Costa Rica isch es Landwirtschaftsland, bezeichnet sech ömu als das (u der Ochsecharre isch ds Nationalsymbol). Computer- u IT Technologieexport, Medizinalprodukt u der Tourismus hei aber d Oberhand u sorge für ds Voksikomme. Denn ersch chunnt der Export vo Frücht, Kafi usw.
  • D Nationaltier si ds Fuultier, d Singdrossle u der Rotougefrösch.
  • Costa Rica het d Armee 1948 abg’schafft u inveschtiert derfür i d Bildig vo de Ching.
  • Sächs Jahr Schuel si Pflicht, de chunnt e erschte Abschluss. D Schuel geit aber für alli Wyter u mit elf Schueljahr mache si ds Abitur (80%) Vieli göh de gah studiere. E Teil macht nach 13 Jahr es technisches Diplom u tritt i ne Bruef i.
  • In Costa Rica wärde zu 100% alternativi Energie produziert.
  • Costa Rica überalteret o. Pro Familie git es nume 1,3 Ching.
  • Costa Rica het 112 Vulkane u siebe si aktiv.
  • Ds Land het siebe Provinze.
  • D Fahne isch blau, wiss, rot u bedütet Himmel, Friede, Bluet
  • Der Präsident wird für vier Jahr g’wählt u ds Land kennt Abstimmige.
  • Im Land git es ke Sozialhilf. Es git zwar diversi Institutione u Förderprogramm. Trotzdäm, we me dür San José geit g’seht me viel Obdachlosi. Zum Teil si das Ig’wandereti.
  • D Hüser si im Ärdg’schoss wie chlyni Feschtige b’boue. Begründet wird das dür die Zueg’wanderete wo kriminell sige.
  • D Wanderig vo Südamerika i Richtig USA bringt für Costa Rica allergatig Lüt i ds Land. Der Drogeschmuggel, d Kriminalität wandere mit u stelle für das Land e riesegi Useforderig dar.

So, u itze muess i äbe chley Bewegig ha i gah der Hoger düruf, verbi em Wald. Schrecke de dert e Horde Nasebäre uf wo Alarm schlah, wäg mir. Irgendeinisch gah n ig i Wald iche u mache der Zaino-Trail. Das isch es Wägli, wo d Farmarbeiter g’schlage hei: öppe angerhalb Meter breit, geng dert düre, wos am ringschte geit. Rächts u lings isch Urwald, mängisch g’seht me zwe Meter iche, mängisch zäh.

I bi ganz allei im Wald, g’seh ke Mönsch u gaaaanz weni Tier. Am Ändi vo däm Trail bi n i uf me Strässli. Rächts u lings geit es dürab; – i entschliesse mi für rächts. Nach ere Kurve bi n i uf me Burehof. Rächts u linggs steit e Reihe vo Kokospalme ir Mitti isch e Wäg u Gras. I gah däm nache u bi de nach öppe nach ere halb Stung uf me Bärg.Hie het dä Buur äuä si Hoschtert. Viel Fruchtböim stöh hie, un es g’seht us, als wäre si bewirtschaftet.

Bim Zruggloufe muess i no die ‹längschti Wasserrutschbahn› gah aluege u chume de bi der Zuckermühli verby. Da isch e Ort für «kulturelli Bildig». Dass der Ochs muess a der Sunne im Kreis loufe u zwüschedüre stah, wott mer nume zum Teil g’falle. Schad, aber er het ja wahrschynlech sowieso nid die beschti Zuekunft. (Me sött im Usland nid mit schwizer Massstäb mässe…)blank

Nu, bi der Rutschbahn chum i de zum Afang vo der Boum-Hängebrügg. Das g’fallt mer. I loufe fasch e Stung dür Boumwipfle. Idrücklech!blank

Nachhär isch es chlyses Zmittag nache.

Em zwöi fahre mer uf me Spezialwage hinger eme Traktor zur Therme (oder Schlammbad). Das isch e Fuehr! Der Wäg geit zwänzg Minute dür e Wald u isch g’högerig, we eim der Rügge no nid weh tah het, itz würd er sicher.

Das Schlammbad ist ein Heilbad, bei dem der Schlamm auf 38 bis 45 Grad erhitzt wird . Das Schlammbad in der Therme wirkt wohltuend und entspannend und hat positive Auswirkungen auf die allgemeine Gesundheit.

blankEs isch u tuet guet, aber nach der Rückfahrt müesst i fasch no einisch gah.
Nachhär isch packe, Büro u Znacht a g’seit.
So em halbi nüni isch Zyt für i ds Bett.

Site: 1 2 3 4 5 6 7 8 9 10