«Hola querida Suiza!»
Informe diario:
desde: 22.11.24
en: Arenal Springs Resort, La Palma
que vale la pena escribir:
Hüt isch chüehler.
Hüt isch e fuule Tag.
Hüt isch ke Programm, hüt isch frei!
Aber, es g’seht alles angere als fründlech us. Grau, füecht u fiine Räge. Später nimmt dä no zue.
I grüble chley im Zimmer ume, am siebni gah n i zum Zmorge, aber i bi de Einzig vo üsere Gruppe wo scho da isch. Nu de!
Nam Zmorge schiffet»s richtig. «Schärmebüez» isch a g’seit.
Geschter bi n i i der Wöscherei g’sy, am Abe isch g’wäschet u troche. Itz packe n i alles wieder i d Gofere… 🫤 … na ja, was söll me süsch mache.
Öpis Positiv’s: het dä «programmlos» Tag: i ha g’nue Zyt. Um die nüne gah n i mal gah ds Spa u die warmi Quelle a luege: Open Air, viel Becki, kener Lüt, derfür e diräkte Zuegang zu der Bar vom Wasserbecki us. – Un es schiffet. Im Roucheregge triff i de drü us der Gruppe.
Später chöme no meh, u mer entschliesse üs, nach la Fortuna z gah. Z viert dörfe mer im Bus, wo d ‹River Rafter› (hät me chönne amälde, aber…) nach La Fortuna bringt, mitrite.
Chley käfele, lädele, torfe… em halbi zwöi si mer wieder zrügg. Mer ässe im Kafiegge öppis Chlyns u de muess i gah lose, öb ds Chüssi oppis Nöis weiss, we n i drann lose.
Wieder wach, düecht mi, i chönnt das warme Wasser usprobiere. SUPER, das tuet guet. Düreg’weicht gah n i na de Viere zrügg i ds Zimmer, düschele, u bringe ni die Zile i ds Handy.
Ds Wätter besseret sech nid würkli. D Wulche hange wyt ache u vom Arenal g’seht me der ganz Tag weni bis nüt.
Was hei mir Glück g’ha bis itze mit em Wätter. We n i mer vorstelle, wie das geschter am Vulkan wär g’sy, mit em hütige Räge.
Am sibni göh mer gah Znacht ässe u am halbi nüni muess i no zämepacke, dass es morn Morge schnäller geit.
Am nüni tue ni no das B’richtli uf e Server.
Guet Nacht Schwiz!