«Hola querida Suiza!»

Informe diario:

  desde: 19.11.24

  en: Laguna Lodge, Tortuguera

  fotos del dia:

que vale la pena escribir:

Dass die nid no chley chöu pfuuse… so um die Viere geit es los. Meine die Affe doch, si müesse umebrüehle. I eir Lutsterchi, mal meh vom Strand här, mal meh vom Fluss.

Laguna Lodge isch uf me schmale Landstreife derzwüsche b’boue. Sehr touristisch, ziemli modern, sehr bequem u zmitts i der Wildnis. Die ganzi Alag isch gross, es het um die hundertzwänzg.Appartmänt, für d Tourischte unger z bringe. U nachhär chöme no all die Angestellte… itz g’rad wiesle si über e Rase u rächele Bletter zäme. D Froue chöme mit de Putzwägeli oder loufe zum Restaurant.

Es isch hüt e Böötlitag. Mer mache zwe Usflüg uf em Wasser zum gah beobachte u fötele. Am Vormittag geit es i Park iche u am Nami gäge ds Meer zue.

No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.

Bi Super Wätter u höche Tämperature (30°C) ( i dänke a d Schwiz) g’seh mer Affe, Schildchröt, Leguane, Krokodil, Kaimane u massehaft verschiedeni Vögel.

Dä Nationalpark Tortuguera isch ganz eidütig e Usflug wärt. Schad dünkt mi, dass immer no so viel Lüt de Ufer nah wohne u dert zum Teil richtig Schuthüfe hei. Für der Bärner Seel z g’nüege u chley z motze, uf em Wasser si d Boot eidütig z schnäll ungerwägs.

Hüt Abe, nach em Znacht, em achti gah n i no uf ne Nachtwanderig. De g’seht me de villicht no nachtaktivi Tier.

Drum, tschüss bis morn. Ääääääh …

Informe nocturno:

  desde: 19.11.24

  en: Laguna Lodge, Tortuguera

  Fotos de la tarde:

que vale la pena escribir:

Es isch sehr wohl interressant, d Umgäbig vo der Lodge o mal i der Nacht z g’seh. Woby, dä mit em G’seh isch so ne Sach. Es isch fischter wie i re Chueh inne, we me use chunnt.

Mer besammle üs am achti. G’füehrt wärde mer vo me Naturwüsseschaftler wo no e Kollega bi sech het. Bis hinder ds Areal vo der Lodge chöi mer Taschelampe bruuche.

Uf em Wäg fingt der Kollega Fuultier, Leguane, Opssum, verschiedeni Vögel, Spinne usw. wo mir gebührend beobachte u mit de Taschelampe us ihrem Schlaf riisse.

Später göh mer a Strand. Dert isch wisses Liecht verbote. Der Füehrer het e roti Lampe u der Hinderscht het o eini. Mer sueche Schildchröt. Entweder Grossi, wo chieme cho Eier lege, oder Chlini, wo früsch g’schlofe si.

Grossi g’seh mer keni, d Saison isch verby.

Chlini g’seh mer aber de scho, wo sech zersch dür ne halbe Meter Sang buddlet hei u de meh oder weniger diräkt em Meer zue watschle.

Mer begleite se u sorge derfür, dass si wenigschtens die zwänzg Meter ung’frässe überläbe. Krabbe si zwar sehr aktiv, u es het o e Art Reiher, wo no e Snäck sueche – aber die sueche ds Wyte vor üs.

Es isch rüehrend u macht eim scho chley stolz, we me so n es chlyses Chrabeli bis i ds Meer begleitet het. Fötele mit wissem Liecht darf me nid u mit Rotliecht si d Föteli praktisch unbruchbar (drum tue n i no Bildli us em Internet derzue).

Wieder zrügg us em Sand g’seh mer no verschiedeni Schlange wo ziemli aktiv si.

So um die zähni si mer wieder i der Lodge. Dä Usflug isch idrücklech g’sy, es het sech g’lohnt, chley später i ds Bett. 😛