«Hola querida Suiza!»
Informe diario:
desde: 23.11.24
en: Buena Vista del Rincon
No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.
que vale la pena escribir:
Ig erwache öppis vor de Sächse. Hüt isch fertig mit Luxushotäl!
Em siebni gah n ig zum Zmorge. Fein isch es u i hocke uf me Balkon über em heisse Wasser, wo n ig geschter g’nosse ha.
Nachhär muess i no ganz fertig packe. em halbi nüni fahrt der Bus.
Zersch geit es i Richtig ‹Arenalsee›? Obschon es e g’stoute See isch g’seht es hie sehr idyllisch us. Im Café Macadamia git es e chlyne Znüni.
Mer si uf em Wäg zu Las Pumas. (übersetzen) Das isch e Uffangstation für Wildtier! Costa Rica het kener Zoos. Derfür git es im ganze Land Uffangstatione für verletzti Wildtier, oder Tier wo verbotnigerwis privat g’halte worde si u wo me izoge het. Wenn es geit, wärde die Tier wieder i d Freiheit entlah (die wärde i der Station abg’schirmt g’halte). Tier wo vo Mönsche ufzoge worde sy, cha me nümm freilah. Die cha me hie aluege, wie i me Zoo.(Die Station isch übrigens vo me Schwizer Ehepaar g’ründet worde u dernah ersch a Staat g’gange.
No Images.
Please upload images in images manager section. Click on Manage Images button on the right side of the gallery settings.
Please make sure that you didn't enabled option: Images of the Current Gallery. Option should have Show value to show images.
Vo dert us sueche mer wieder e Iheimischebeiz für e Zmittag: guet u günschtig. Mer chehre im ‹Restaurante doña Tina› i. Über d ‹Panamericana› geit es de wyter i Richtig Nationalpark ‹Rincon de la Vieja›.
Mer si nümm im Rägewaldgebiet. Mit der Wasserscheidi hei mer dä hinger is g’lah. Itz, wo ds Wasser i Pazifik fliesst, isch Troche-Urwald. D Vegetation unterscheidet sech ganz klar vo dere wo mer bis itz g’seh hei. D Bromelie fähle, es het a de Böim ke Miesch meh u es si o ganz anger Böim.
Im Park acho, loufe mef zum Krater vom «Rincón de la Vieja». Dä Vulkan isch no aktiv u 1988 zum letschte Mal usbroche. Itz gaset’s us em Ungergrund, teilne Orte dampfet»s, teilne Orte blubberet der Schlamm, teilne Orte g’seht me eifach, dass es mal ta het. Farbegi Steine züge vo Metalloxyd i de Wasser u Schlammtümple.
Vo der Tierwält g’seh mer weniger. E Horde Kapuzineraffe quert üse Wäg. Vögu g’hört me viel verscbiedeni, aber süsch si d Tier guet versteckt.
Mit em Bus fahre mer zur Ungerkunft. Der Schofför kennt e Abchürzig (mit zwene Furte dür Bäch, stotzige Teile u vielne Schlaglöcher i däm Fäldwäg). Am halbi sibni si mer de i der Ungerkunft ‹Buena Vista del Rincon› u gly druf ässe mer Znacht. (morn meh)
 |  |  |
Es isch wäsentlech chüehler (18°C), – hinech brucht es e Dechi. 🥶